जेरुसलेम : राष्ट्राध्यक्ष ज्यो बायडेन इस्रायल दौरा आटोपून निघताच हेझबोल्लाहने अमेरिकन सैन्य बेसवर रॉकेट डागले. बायडेन परतताच सीरियातील अमेरिकन सैन्य बेसला टार्गेट करण्यात आलं. इराकमध्येही अमेरिकन तळांना लक्ष्य करण्यात आलय. काही सैनिक या हल्ल्यात जखमी झाले आहेत. इराकमध्ये 24 तासांच्या आत सैन्य कॅम्पवर दोन ड्रोन हल्ले करण्यात आले आहेत. पहिल्यांदाच इराकमध्ये इराण समर्थित समूहाने अमेरिकेच्या सैन्य बसेवर हल्ला केलाय.
इराकमधील इस्लामिक रेजिस्टेंस स्टेटमेंट जारी करुन दोन हल्ल्यांची जबाबदारी घेतलीय. अमेरिकेच्या ताब्यात असलेल्या भागांविरोधात अधिक अभियान चालवणार असल्याच म्हटलं आहे. हा हल्ला म्हणजे इस्रायल-हमास युद्धाचा परिणाम आहे. अमेरिका इस्रायलला सर्व प्रकारच्या शस्त्रास्त्रांची मदत करतोय. याविरोधात इस्रायल विरोधात त्यांनी आक्रमक भूमिका घेतली. अमेरिकन अधिकाऱ्यांनी तीन ड्रोन हल्ले झाल्याच म्हटलं आहे. इराकच्या पश्चिमेला आणि कुर्दिस्तान क्षेत्रात अल-हरीर एयर बेसवर हल्ला झालाय.
मंगळवारी रात्री गाझाच्या एका हॉस्पिटलवर हल्ला झाला. यात 500 नागरिकांचा मृत्यू झाला. हेझबोल्लाहने यासाठी अमेरिका आणि इस्रायलला जबाबदार धरलय. इराकमधील अमेरिकन उपस्थिती संपवण्यासाठी अपील केलय. गाझामध्ये हॉस्पिटलवर इस्रायलने हवाई हल्ला केला, असं हमासचा आरोप आहे. इस्रायलने हे आरोप फेटाळून लावलेत. पॅलेस्टाइन इस्लामिक जिहाद संघटनेवर त्यांनी उलटे आरोप केलेत. इस्लामिक जिहादने डागलेल्या रॉकेटची दिशा भरकटून ते हॉस्पिटलवर पडलं असं इस्रायलच म्हणण आहे.
