जळगाव : लग्न होत नसल्याच्या नैराश्यातून अनेकांनी आत्महत्या केल्याचे आपण वाचलं असेलच, अशीच एक घटना जळगावच्या ममुराबादमध्ये उघडकीस आली आहे. लग्न होत नसल्याच्या नैराश्यातून एका ३३ वर्षीय तरुणाने राहत्या घरात गळफास घेऊन आत्महत्या केली. जगदीश लक्ष्मण पाटील (वय ३३) असे मयत तरुणाचे नाव असून एकुलत्या एक मुलाच्या मृत्यूने पाटील कुटुंबियांवर मोठा दु:खाचा डोंगर कोसळला आहे. याबाबत तालुका पोलीस स्टेशनमध्ये आकस्मिक मृत्यूची नोंद करण्यात आली आहे.
जगदीश लक्ष्मण पाटील हा ममुराबाद येथे आई-वडीलांसह वास्तव्यास होता. जगदीश पाटील हा तरुण जळगाव शहरातील एमआयडीसीतील एका कंपनीत कामगार म्हणून कामाला होता. शनिवारी जगदीश हा कामवार गेला नाही. त्याचे आई वडील दोघेही कामानिमित्ताने घराबाहेर गेल्याने जगदीश हा घरी हा एकटाच होता. यादरम्यान त्याने त्याने राहत्या घरात पंख्याला साडी बांधून गळफास घेऊन आत्महत्या केली.
गळफास घेतलेल्या अवस्थेत जगदीशला पाहून आई-वडीलांना धक्काच बसला आणि त्यांनी हंबरडा फोडला. या प्रकरणी तालुका पोलीस स्टेशनमध्ये आकस्मिक मृत्यूची नोंद करण्यात आली आहे. दरम्यान, एकुलत्या एक मुलाच्या मृत्यूने पाटील कुटुंबियांवर मोठा दु:खाचा डोंगर कोसळला आहे.
जगदीश याचे काका यांनी तालुका पोलीस स्टेशनमध्ये दिलेल्या माहितीवरुन आकस्मिक मृत्यूची नोंद करण्यात आली आहे. जगदीश याचे लग्न होत नसल्याने तो तणावात होता. याच कारणामुळे तो दारु पित होता. लग्नाच्या विचारातूनच जगदीश याने आत्महत्या केल्याचे जगदीशच्या काकांनी पोलीस स्टेशनमध्ये माहिती दिली असल्याचं पोलिसांनी सांगितलं आहे.
