अडावद, ता.चोपडा । चोपडा विधानसभा मतदार संघाचे महाविकास आघाडीचे उमेदवार प्रभाकर आप्पा गोटु सोनवणे यांच्या प्रचारार्थ चोपडा येथे जात असताना खासदार संजय राऊत यांचे अडावदला जंगी स्वागत करण्यात आले.
येथील कृषी उत्पन्न बाजार समितीजवळ महाविकास आघाडीच्या पदाधिकारी व कार्यकर्त्यांनी फटाके फोडून ढोल ताशांच्या गजरात राऊत यांचे स्वागत केले. बाळासाहेब ठाकरेंच्या खऱ्या शिवसेनेची ओळख असलेल्या मशाल चिन्हावर निवडणूक लढवित असलेल्या प्रभाकर आप्पा सोनवणे यांना भरघोस मतांनी विजयी करा असे आवाहन त्यांनी केले.
यावेळी हाजी कबिरोद्दीन शेख, तुषार देशमुख, वजाहतअली काझी, साखरलाल महाजन, लक्ष्मण महाजन, संदिप महाजन, श्रीकांत दहाड, दिनकर देशमुख, मनोज देशमुख, भैय्या देशमुख, जयसिंग पाटील, चंद्रकांत पाटील, ताहेर शेख, अलोक बाहेती, मनोहर पाटील, जहांगीर पठाण, रेहान मलिक आदींसह बहुसंख्य ग्रामस्थ उपस्थित होते.
