बोरखेडा हत्याकांड प्रकरण : मार्चपासून होणार सुनावणी

तरुण भारत लाईव्ह ।०७ फेब्रुवारी २०२३। बोरखेडा हत्याकांडाची 13 मार्चपासून सुनावणी होणार असल्याची माहिती सूत्रानुसार  समोर येत आहे.  दरम्यान बोरखेडा बु. शिवारातील एका शेतात मध्यरात्रीच्या सुमारास 14 वर्षीय मुलीवर अत्याचार करून भावन्डाची हत्या करण्यात आल्याची घटना घडली होती. याप्रकरणी पोलिसांनी संशयित आरोपीला बेड्या ठोकल्या होत्या तर सध्या आरोपी कारागृहातच असल्याची माहिती सूत्रांनी दिली.

अधिकृत माहिती अशी की, बोरखेडा बु. शिवारातील एका शेतात 14 वर्षीय बालिकेवर अत्याचार करण्यात आल्यानंतर तिच्यासह चौघा भावंडांची कुर्‍हाडीचे वार करीत हत्या करण्यात आली होती. 15 ऑक्टोंबर दरम्यान 2020 रोजी घडलेल्या घटनेने महाराष्ट्रात खळबळ उडाली होती. मूळ गावी 14 ऑक्टोबर 2020 रोजी गेल्यानंतर घरी चारही मुले एकटीच होती. ही संधी साधून नराधम आरोपीने मध्यरात्रीच्या सुमारास 14 वर्षीय मुलीवर अत्याचार केला व त्याचवेळी भावंडांना जाग आल्यानंतर 11 व 8 व तीन वर्षीय भावंडांची कुर्‍हाडीचे घाव घालून हत्या करण्यात आली होती. हे हत्याकांड उघडकीस आल्यानंतर राज्यभरात खळबळ उडाली होती. पोलिसांनी अत्यंत बारकाईने या गुन्ह्याचा तपास करीत आरोपी निष्पन्न करून त्यास बेड्या ठोकल्या होत्या तर सध्या आरोपी कारागृहातच असल्याची माहिती सूत्रांनी दिली.