नंदुरबार : ज्वलनशील पावडर घेऊन जाणाऱ्या ट्रकला भीषण आग आल्याची घटना आज सकाळी ९.३० वाजेच्या सुमारास नवापूर तालुक्यात घडली. यामुळे महामार्गावर धावपळ उडाली. पोलिसांना तात्काळ माहिती दिल्याने सुदैवाने मोठा अनर्थ टळला.
पानबारा (ता.नवापूर) येथे महामार्गावर राईस मिलच्या समोर गुजरातहुन रायपुर ज्वलनशील पावडर घेऊन ट्रक जात होता. या दरम्यान ट्रकमधील बॅटरीत शॉर्टसर्किट झाल्याने ट्रेकला आग लागली. यामुळे महामार्गावर मोठी धावपळ उडाली. नागरिकांनी मिळेल त्या साधनाने विझवण्याचा प्रयत्न पानबारा गावाचे ग्रामस्थांनी केली. त्यानंतर ग्रामस्थांनी पोलीस मदत केंद्र येथे संपर्क करून पोलिसांना याबाबत माहिती दिली यावेळी तात्काळ पोलीस घटनास्थळी दाखल झाली.
पोलिसांनी महामार्गावरील म्हात्रे कंपनीला संपर्क करून तात्काळ पाण्याचा भरलेला टँकर त्या ठिकाणी मागवला आणि आग नियंत्रणात आणण्याचा प्रयत्न केला. आग केबिनला लागल्यामुळे ट्रकची केबिन पूर्णतः जळून खाक झाली. सुदैवाने ट्रकमध्ये भरलेला ज्वलनशील पावडरला आग न लागल्याने मोठा अनर्थ टळला. अन्यथा मोठा स्फोट झाला असता.
