देशाच्या अर्थमंत्री निर्मला सीतारामन यांनी अर्थसंकल्पात कोट्यवधी लोकांना मोठा दिलासा देणारी घोषणा केली आहे. देशातील एक कोटी घरांना दरमहा 300 युनिट मोफत वीज देण्याची घोषणा करण्यात आली आहे. अंतरिम अर्थसंकल्पात ही मोठी घोषणा करण्यात आली आहे.
देशात पंतप्रधान नरेंद्र मोदी अनेक वेळा सौरऊर्जेबद्दल बोलले आहेत आणि संपूर्ण देशाला त्यावर येण्यासाठी प्रोत्साहित करत आहेत. विशेष म्हणजे अयोध्येतील राम मंदिरात राम लला यांचा अभिषेक झाल्यानंतर सरकारकडून सौरऊर्जेबाबत मोठी घोषणा करण्यात आली होती.
या घोषणेअंतर्गत केंद्र सरकारने सूर्योदय योजना जाहीर केली होती. सूर्योदय योजनेंतर्गत एक कोटी लोकांच्या घरात सौर रूफटॉप यंत्रणा बसवली जाणार आहे. त्यावेळी देशाचे पंतप्रधान नरेंद्र मोदी यांनी या योजनेचा सर्वाधिक फायदा गरीब आणि मध्यमवर्गीयांना होणार असल्याची माहिती दिली होती. या योजनेमुळे एक कोटी लोकांना त्यांच्या घरातील वीज बिल कमी करण्याची संधी मिळणार आहे.
