जळगाव : चालकाचे नियंत्रण सुटल्याने ट्रक थेट पुलावरून खाली कोसळल्याची घटना समोर आली आहे. या अपघातात दोन जण गंभीर जखमी झाले असून, स्थानिक पोलीस घटनास्थळी दाखल झाले आहेत. दरम्यान, हा अपघात चाळीसगाव तालुक्यातील धुळे-सोलापूर राष्ट्रीय महामार्गावरील बिलाखेड येथे झाल्याचे समोर आले आहे.
चाळीसगाव तालुक्यातील धुळे-सोलापूर राष्ट्रीय महामार्गावरील बिलाखेड गावाजवळ हा अपघात झाला आहे. देवी अहिल्या होळकर उड्डाणपुलावर चालकाचे नियंत्रण सुटल्याने ट्रक पुलावरून खाली कोसळला. या अपघातात दोन जण गंभीर जखमी झाले असून, अपघाताची माहिती मिळताच स्थानिक पोलीस घटनास्थळी दाखल झाले आहेत.
पोलिसांनी तातडीने मदतकार्य सुरू केली असून, दोन्ही गंभीर जखमींना रुग्णालयात दाखल केले आहेत. दरम्यान, या अपघातामुळे महामार्गावर काही काळ वाहतूक विस्कळीत झाली असून, घटनास्थळी मोठी गर्दी जमली आहे.
पाचोऱ्यात मंगळसूत्र, सोनसाखळी लंपास
पाचोरा : लग्नसमारंभासाठी आलेल्या पाहुण्या महिलेच्या गळ्यातील मंगळसूत्रासह दोन सोन्याच्या पोत अज्ञात चोरट्यांनी धूम स्टाईलने ओरबाडून नेल्याची घटना पाचोरा शहरात भडगाव रोडवर घडली आहे.
मीना अजितसिंग पाटील (५३, पुणे) ही महिला २२ मे रोजी नातेवाइकांकडे लग्नाला आली होती. लग्नघरी पायी जात असताना, भडगाव रोड महामार्गावर एका हॉटेलसमोर भडगावकडून येत असलेल्या दुचाकीवरील दोन चोरट्यांनी महिलेच्या गळ्यातील २८ ग्रॅमचे मंगळसूत्र व ४९ ग्रॅमची सोन्याची पोत असा एकूण १ लाख ८२ हजारांचा ऐवज गळ्यातून ओरबाडून पळून गेले.
यावेळी महिलेने दुचाकीवर बसलेल्या मागच्या इसमाच्या शर्टाची कॉलर पकडली. मात्र, दुचाकी भरधाव नेत चोरांनी पळ काढला. यावेळी महिला खाली पडल्याने जखमी झाली.
