देशात UPI पेमेंट वापरणाऱ्यांची संख्येत मोठी वाढ आहे. आता खिशात रोख रक्कम बाळगण्यापेक्षा थेट मोबाईलवरुन व्यवहार करण्याला पसंती देत आहे. यामुळे नॅशनल पेमेंट्स कॉर्पोरेशन ऑफ इंडिया (NPCI) या UPI पेमेंट चालवणाऱ्या सरकारी संस्थने एक मोठा बदल केला आहे, यानंतर UPI पेमेंट करण्यासाठी 10 सेकंद लागतील. तसेच, NPCI ने वारंवार बॅलन्स तपासणाऱ्यांसाठी मर्यादा आखून दिली आहे. जर तुम्ही वारंवार बॅलेन्स तपासून ही मर्यादा ओलांडली तर तुम्हाला त्याच्या परिणामांना सामोरे जावे लागणार आहे.
सोमवारपासून UPI द्वारे व्यवहार लवकर होणार आहे. नॅशनल पेमेंट्स कॉर्पोरेशन ऑफ इंडियाने पेमेंटसाठी प्रतिसाद वेळ 10 सेकंदांपर्यंत कमी केला आहे. UPI किंवा युनिफाइड पेमेंट्स इंटरफेस ही एक त्वरित पेमेंट प्रणाली आहे, जी NPCI ने मोबाइल फोनद्वारे बँकांमधील व्यवहार सुलभ करण्यासाठी विकसित केली आहे.
एनपीसीआयने परिपत्रक जारी केले आहे. पैसे हस्तांतरण, स्थिती तपासणी आणि पैसे काढणे यासारखे व्यवहार आता ३० सेकंदांऐवजी १० ते १५ सेकंदात पूर्ण होतील. अशाप्रकारे, १६ जूनपासून, यूपीआय पेमेंटमध्ये पत्ता पडताळण्यासाठी लागणारा वेळ आता १५ सेकंदांच्या तुलनेत फक्त १० सेकंद लागणार आहे.
एनपीसीआयच्या दुसऱ्या परिपत्रकानुसार, ग्राहक लवकरच त्यांच्या यूपीआय अॅपद्वारे दिवसातून ५० वेळा त्यांच्या खात्यातील शिल्लक तपासू शकतील. एका तज्ञाच्या मते, एका दिवसात खात्यातील शिल्लक तपासण्याची अद्याप कोणतीही मर्यादा नाही आणि पद्धतशीर कार्यक्षमता लक्षात घेऊन ५० ची मर्यादा सुरू करण्यात आली आहे.
