Delhi Election Results 2025 Update : दिल्ली विधानसभा निवडणुकीचा निकाल आज जाहीर होत असून भाजपाने या निवडणुकीत जोरदार मुसंडी मारली आहे. सुरुवातीच्या कलांमध्ये भारतीय जनता पक्ष (भाजपा) ४० जागांवर आघाडीवर असून, आम आदमी पक्ष (आप) ३० जागांवर आघाडीवर आहे. हा कल कायम राहिल्यास दिल्लीत भाजपाची सत्ता येण्याची शक्यता प्रबळ मानली जात आहे.
निवडणुकीच्या निकालाबरोबरच दिल्लीतील राजकीय हालचालींना वेग आला आहे. आम आदमी पक्षाचे वरिष्ठ नेते संजय सिंह मुख्यमंत्री अरविंद केजरीवाल यांच्या निवासस्थानी दाखल झाले आहेत. तसेच काँग्रेस नेते राहुल गांधी यांनीही काँग्रेस अध्यक्षा सोनिया गांधी यांची भेट घेतली आहे. त्यामुळे या दोन्ही पक्षांची पुढील रणनीती काय असणार, याची उत्सुकता राजकीय वर्तुळात निर्माण झाली आहे.
येत्या काही तासांत निकालाचे स्पष्ट चित्र समोर येईल. त्यानंतर आम आदमी पक्षाचे नेते आणि दिल्लीचे मुख्यमंत्री अरविंद केजरीवाल व काँग्रेस नेते राहुल गांधी पत्रकार परिषद घेण्याची शक्यता आहे. या पत्रकार परिषदेत दोन्ही नेते आपल्या भूमिकेचा खुलासा करण्याची शक्यता आहे.
५ फेब्रुवारीला मतदान, आज निकाल
दिल्ली विधानसभा निवडणुकीसाठी ५ फेब्रुवारी रोजी मतदान झाले होते. एकूण ७० जागांसाठी झालेल्या या निवडणुकीत ६०.५४ टक्के मतदानाची नोंद झाली होती. निकालावर संपूर्ण देशाचे लक्ष लागले होते. दिल्लीत बहुमतासाठी ३६ जागांची आवश्यकता आहे. त्यामुळे पुढील काही तासांत कोणता पक्ष सत्ता स्थापन करणार, हे स्पष्ट होईल.
(अधिक अपडेटसाठी आमच्यासोबत रहा…)
