Jalgaon Politics : काँग्रेसचे माजी खासदार डॉ. उल्हास पाटील यांच्या कन्या डॉ. केतकी पाटील यांचे भाजप प्रवेशाचे संकेत मिळाले आहे. मात्र, याबाबत अजून अधिकृत घोषणा नाहीय.
डॉ. केतकी पाटील यांनी रावेर लोकसभा मतदारसंघातून निवडणूक लढवण्याची तयारी सुरू केली आहे. मात्र, त्यांनी कोणत्याही पक्षाचे लेबल न लावता जनसंपर्क मोहिम सुरू केली. यानंतर, मात्र त्या भाजपमध्ये जाणार असल्याची चर्चा सुरू झाली. स्वत: एकनाथ खडसे यांनी अलीकडेच डॉ. केतकी पाटील या भाजपच्या तिकिटावर निवडणूक लढवतील असे भाकीत केले होते. दरम्यान, आता डॉ. केतकी पाटील लवकरच भाजपमध्ये प्रवेश करतील अशी माहिती समोर आली आहे.
रावेरमधून निवडणूक लढवण्यासाठी पक्ष प्रवेश करून मग दावा करता येईल, या हेतूने त्या भारतीय जनता पक्षात जाणार असल्याचे समजते. अर्थात, यातून त्या रावेरच्या जागेसाठी दावा पक्का करणार आहेत. श्रीराम मंदिराच्या उदघाटनानंतर त्यांचा प्रवेश होऊ शकतो, अशी माहिती अमोर आली आहे.
