डॉ. स्नेहल रावते मृत्यू प्रकरण : टायर मार्क्सवरून वाहन व आरोपीचा लावला छडा

शेंदुर्णी, ता. जामनेर : भरधाव डंपरने दिलेल्या धडकेत डॉ. स्नेहल रावते (२५) यांचा मृत्यू झाल्याची घटना (16 जून) रोजी गोंदेगावनजीक घडली होती. मात्र, घटनास्थळावरून डंपर चालक हा फरार झाल्याने आरोपी व वाहन निष्पन्न करणे पोलिसांसमोर मोठे आव्हान होते. अखेर, या प्रकरणी पोलिसांनी फॉरेन्सिक पथकाच्या मदतीने डंपर चालकाला अटक केली आहे.

डॉ. स्नेहल प्रीतम रावते यांचा अज्ञात डंपरने दिलेल्या धडकेत जागीच मृत्यू झाल्याची घटना गोंदेगावनजीक घडली होती. मात्र, घटनास्थळावरून डंपर चालक हा फरार झाला होता. त्यातच कोणताही प्रत्यक्षदर्शी साक्षीदार, सिसिटीव्ही पुरावा नसल्याने आरोपी व वाहन निष्पन्न करणे पोलिसांसमोर मोठे आव्हान होते. शेंदुर्णीचे पोलीस उपनिरीक्षण नंदकुमार शिमरे व त्यांच्या पथकाने सर्व बाजूने सलग 24-30 तास तपास करून घटनेची सखोल माहिती घेतली. 40-50 वाहनांची चौकशी केली.

दरम्यान, या वेळेत 4-5 वाहने पहूर ते शेंदुर्णी रस्ताने गेल्याचे तपासातून समजले. मात्र, नेमके वाहन कोणते हा प्रश्न उनुत्तरीत होता. त्यामुळे तपासी अधिकारी नंदकुमार शिमरे यांनी फॉरेन्सिक पथकाला बोलावून घटनास्थळावरील नमूने व टायर मार्क्स घेतले. त्यानंतर संशयित सर्व वाहनांची तपासणी केली असता अपघात करणाऱ्या वाहणाचा शोध लागला. अपघातातील डंपर MH19Ek4102 हा धनराज मोरे (रा. टाकली जामनेर) यांचा असल्याचे निष्पन्न झाले.

मात्र, वाहन चालक व हेल्पर अपघात झाल्यापासून फरार होते. त्यांना सीडीआरद्वारे शोधून चालक आरोपी सुनील बिसन रेस्वाल (रा. रावळा ता सोयगाव जि. छ. संभाजीनगर) याला 19 जून रोजी सकाळी 05:00 वा अटक केली. आरोपी हेल्पर सुरज यादव (रा झारखंड) हा फरार असून, पोलीस पथक त्याचा शोध घेत आहेत.

यांनी केली कारवाई

पहूर पोलीस स्टेशनचे प्रभारी अधिकारी एपीआय प्रमोद कठोर, उप विभागीय अधिकारी पाचोरा धंनजय येरुळे यांच्या मार्गदर्शनाखाली
शेंदुर्णी पोलीस उपनिरीक्षक नंदकुमार शिमरे, पोशी गुलाब पवार, नरेश घाडगे यांनी ही कारवाई केली.