टीम इंडियाचे नवे मुख्य प्रशिक्षक गौतम गंभीर यांनी श्रीलंका दौऱ्यावर रवाना होण्यापूर्वी पहिल्याच पत्रकार परिषदेत अनेक मोठे वक्तव्य केले आहे. बीसीसीआयचे मुख्य निवडक अजित आगरकरही त्यांच्यासोबत प्रश्नांची उत्तरे देताना दिसले. हार्दिक पांड्याऐवजी सूर्यकुमार यादवला टी-20 संघाचा कर्णधार का करण्यात आलं ? हा सगळ्यांच्या मनात सर्वात मोठा प्रश्न होता. मुख्य निवडकर्ता अजित आगरकर यांनी यामागचे सर्वात मोठे कारण सांगितले आहे.
पत्रकार परिषदेत टी-20 संघाच्या नव्या कर्णधाराबाबत बोलताना अजित आगरकर म्हणाले की, सूर्यकुमार यादव हा एक चांगला पर्याय आहे. त्याने आपली प्रतिभा दाखवली आहे. त्याचबरोबर हार्दिक हा आमच्यासाठी महत्त्वाचा खेळाडू आहे. त्याच्यासारखी प्रतिभा मिळणे कठीण आहे. पण गेल्या 2 वर्षात त्याचा फिटनेस हे मोठे आव्हान आहे. अशा परिस्थितीत आम्हाला कर्णधार म्हणून नेहमी उपलब्ध असणारा आणि आपली भूमिका चोख बजावू शकेल असा खेळाडू हवा होता. सूर्यामध्ये ते सर्व गुण आहेत.
दुसरीकडे, या दौऱ्यावर सूर्यकुमार यादवला वनडे संघाचा भाग बनवण्यात आलेला नाही. यामागचे कारण स्पष्ट करताना अजित आगरकर म्हणाले की, आम्ही एकदिवसीय सामन्यात सूर्याबाबत चर्चा केलेली नाही. श्रेयस अय्यर आणि केएल राहुल एकदिवसीय संघात परतले आहेत. या दोन्ही खेळाडूंनी विश्वचषकात चमकदार कामगिरी केली होती. ऋषभ पंतचाही संघात समावेश झाला आहे. त्यामुळे सूर्यकुमार यादव सध्या टी-20 मध्येच राहणार आहे.
अजित आगरकर पुढे म्हणाले की, ऋषभ बराच काळ बाहेर होता. त्यामुळे त्यांच्यावर कोणताही बोजा न टाकता त्यांना परत आणायचे आहे. एखाद्या व्यक्तीसाठी जो बर्याच काळानंतर परत आला आहे, आपण त्याला हळूहळू गोष्टींच्या योजनेत परत आणणे आवश्यक आहे. शुभमन गिल हा ऑल फॉरमॅटचा खेळाडू आहे, आम्ही त्याला त्या दृष्टीने पाहतो. शुभमन गिल आता तिन्ही फॉरमॅटमध्ये सतत खेळताना दिसणार असल्याचे अजित आगरकर यांनी आपल्या वक्तव्याद्वारे स्पष्ट केले आहे. झिम्बाब्वे दौऱ्यावर त्याला टी-20 संघाचा कर्णधारही करण्यात आला होता. त्याच वेळी, आता तो एकदिवसीय आणि टी-20 संघाचा उपकर्णधार देखील आहे.
