तरुण भारत लाईव्ह ।१२ फेब्रुवारी २०२३। बुलढाणा येथे एक मोठी दुर्घटना घडली असल्याचे समोर येतेय. राष्ट्रीय महामार्ग क्र.०६ वर तांदुळवाडी पुलावर दोन ट्रकचा भीषण अपघात झालाय. या अपघातात चार जणांचा जागीच मृत्यू झालाय. तसेच तीन जण गंभीर जखमी झालेत.
बुलढाणा जिल्ह्यातील तांदुळवाडी पुलावर दोन ट्रकचा भीषण अपघात झाला. या अपघातात चार जणांचा जागीच मृत्यू झाला. तसेच तीन जण गंभीर जखमी झालेत. सध्या या ठिकाणी वाहतूक कोंडी झाली आहे. मृतदेह बाहेर काढून वाहतूक सुरळीत करण्याचे काम सुरू आहे. सूत्राने दिलेल्या माहितीनुसार, राष्ट्रीय महामार्ग क्र.०६ वर तांदुळवाडी पुलावर विटांनी भरलेला एक ट्रक जात होता. यावेळी समोरुन येणाऱ्या दुसऱ्या ट्रकची या ट्रकला जोरात धडक बसली. हा अपघात इतका भीषण होता की, ४ जणांचा यामध्ये मृत्यू झाला असून तीन व्यक्ती गंभीर जखमी झाले. जखमींना मलकापूर येथे कुटीर रुग्णालय हलविण्यात आलं आहे. सदर घटनेची माहिती मिळताच पोलिस घटनास्थळी दाखल झाले आहेत.या भीषण अपघातात विटांनी भरलेल्या ट्रकचा पुढील भाग चिरडला गेला.
ट्रकला समोरून जोरात धडक बसल्याने समोरील काचा फुटल्या तसेच ट्रक वाहन चालकाचा यात जागीच मृत्यू झाला. सध्या या ठिकाणी वाहतूक कोंडी झाली आहे. मृतदेह बाहेर काढून वाहतूक सुरळीत करण्याचे काम सुरू आहे.
