सोने खरेदी करणाऱ्यांसाठी खुशखबर..! स्वस्तात खरेदीची संधी पुन्हा मिळणार नाही

नवी दिल्ली :  गेल्या काही दिवसांपासून सोन्या-चांदीच्या भावात झालेल्या वाढीमुळे ग्राहकांची निराशा झाली होती. मात्र आता ते हळूहळू खाली येत असल्याने नागरिकांनी सुटकेचा नि:श्वास सोडला आहे. गेल्या काही दिवसांत 58 हजार रुपयांपर्यंत पोहोचलेल्या सोन्याच्या दरात आता घसरण पाहायला मिळत आहे. तसेच चांदी 66000 च्या पातळीवर घसरत आहे.

लग्नाचा हंगाम सुरू आहे, जर तुमच्या घरात लग्न असेल तर तुम्ही स्वस्त सोने खरेदी करू शकता. मात्र, दुसरीकडे, येत्या काही दिवसांत सोने आणि चांदी दोन्ही वाढतील, असा अंदाज तज्ज्ञांनी व्यक्त केला आहे. दिवाळीपर्यंत सोने 65,000 रुपये आणि चांदी 80,000 रुपयांपर्यंत पोहोचण्याची शक्यता आहे.

एमसीएक्सवर सोने आणि चांदी वाढली
गेल्या काही दिवसांपासून सोन्या-चांदीच्या दरात घसरण नोंदवण्यात आली आहे.  दोन आठवड्यांपूर्वी सोने 58,000 रुपये आणि चांदी 71,000 रुपयांवर पोहोचली होती. आता चांदीच्या दरात 5000 रुपयांची घट झाली आहे. आज बुधवारी मल्टी कमोडिटी एक्सचेंज (MCX) वर दुपारी सोन्याचा भाव 361 रुपयांनी घसरून 56,389 रुपयांवर आला. तसेच चांदीचा भावही 379 रुपयांनी घसरून 65872 रुपये प्रतिकिलो झाला. याआधी मंगळवारी सोन्याचा भाव 56750 रुपये आणि चांदीचा भाव 66251 रुपये प्रति किलोवर बंद झाला होता.

सराफा बाजारात संमिश्र कल
एक दिवसापूर्वीप्रमाणे आजही सराफा बाजारात सोने-चांदीच्या दरात संमिश्र कल पाहायला मिळत आहे. इंडिया बुलियन्स असोसिएशनने (https://ibjarates.com) बुधवारी जाहीर केलेल्या किमतीनुसार, २४ कॅरेट सोने प्रति १० ग्रॅम ५६७७० रुपयांच्या पातळीवर घसरले. चांदीच्या दरात वाढ झाली असून तो 66055 रुपये प्रति किलोवर व्यवहार करत आहे. मंगळवारी सोने 57018 रुपये प्रति 10 ग्रॅम आणि चांदी 65842 रुपये प्रति किलोवर बंद झाली.

नियमानुसार, सोने खरेदीवर 3 टक्के जीएसटी आणि मेकिंग चार्ज स्वतंत्रपणे द्यावा लागतो. तुम्ही आज सोने खरेदी केल्यास, तुम्हाला सराफा बाजारातील 56,770 रुपयांपेक्षा जास्त GST आणि मेकिंग चार्जेस दोन्ही भरावे लागतील. बुधवारी 23 कॅरेट सोन्याचा दर 56543 रुपये प्रति 10 ग्रॅम, 22 कॅरेटचा दर 52001 रुपये प्रति 10 ग्रॅम आणि 18 कॅरेटचा दर 42578 रुपये प्रति 10 ग्रॅमवर ​​पोहोचला.