---Advertisement---
जळगाव : शहरात हरी विठ्ठल नगर येथे मुख्यमंत्री सहायता निधी कक्ष व विश्व हिंदू परिषद जळगाव सेवा विभाग यांचे मार्फत नुकतेच गणपती निमित्ताने मोफत आरोग्य शिबिर पार पडले. या शिबिरामध्ये जनरल तपासणी करण्यात आली. जवळपास 300 रुग्णांची तपासणी या ठिकाणी झाली.
शिबिरात करण्यात आलेल्या तपासणी दरम्यान काही रुग्णांचे पुढील उपचारासाठी मुख्यमंत्री सहायता निधी कक्षाकडून मदत केली जाणार आहे. या आरोग्य शिबिरामध्ये विश्व हिंदू परिषदेचे जिल्हा सेवा प्रमुख डॉ. हितेंद्र गायकवाड व मुख्यमंत्री सहायता निधी जळगाव कक्षाचे प्रमुख डॉ. सिद्धार्थ चौधरी यांनी मोलाचे भूमिका बजावले.
या शिबिराचे प्रमुख उपस्थिती म्हणून विश्व हिंदू परिषदेचे प्रांत मंत्री योगेश्वर गर्गे, जिल्हाध्यक्ष हरीश मुंदडा, विभाग सहमंत्री देवेंद्र भावसार, जिल्हा सहसेवा प्रमुख दीपक दाभाडे, जिल्हा सह मंत्री राजेंद्र गांगुर्डे,
संपर्कप्रमुख ललित खडके उपस्थित होते.
शहरातील शाहू हॉस्पिटलचे डॉ. जागृती नारखेडे , नीलकमल हॉस्पिटल येथील डॉ. यशवंत पाटील, आणि खेलवाडे हॉस्पिटलचे डॉ. वैशाली शिरसाठ , येथील डॉक्टर आणि त्यांची टीम या आरोग्य शिबिरासाठी उपस्थित होते. या संपूर्ण शिबिराचे व्यवस्था विठ्ठल नगर येथील नवनाथ मित्र दिनेश खारकर, दीपक हटकर, राजेश महाजन, गोपाल हटकर , योगेश अहिरे , ललित इंगळे , गणेश ठाकूर , राकेश कोळी, मुकेश ठाकरे , सागर कोळी ,सोनू कोळी, साई मोरे यांनी केली.
