तरुण भारत लाईव्ह ।०५ फेब्रुवारी २०२३। तामिळनाडू मधून एक घटना समोर येतेय. तामिळनाडू मध्ये एक कार्यक्रम आयोजित केला होता या कार्यक्रमामध्ये महिलांना मोफत साड्या वाटप करण्यात येत होत्या यावेळी चेंगराचेंगरी होऊन अनेक महिलांचा मृत्यू झाला असून काही महिला जखमी झाल्याची माहिती मिळाली आहे.
तामिळनाडू येथील वानियाम्बादी मधील हि घटना असून थैपूयम येथील एका खासगी संस्थेने कार्यक्रम आयोजित केला होता. या कार्यक्रमामध्ये महिलांना मोफत साडी वाटप करण्यात येत होते आणि या कार्यक्रमासाठी हजार महिला उपस्थित होत्या. साडी वाटप करताना अचानक चेंगराचेंगरी होऊन चार जणांचा मृत्यू झाला असून काही जण गंभीर जखमी झाल्याचे सूत्रांनी सांगितले.
थाईपुसम ह्या सणानिम्मित हा कार्यक्रम आयोजित केला होता, त्याचवेळी हि दुर्घटना घडली असून या कार्यक्रमाचे आयोजन करण्याची परवानगी देण्यात आली नव्हती तरीही कार्यक्रम कसा झाला, याचा तपास करण्यात येत आहे. असे पोलिसांनी सांगितले.
