जळगाव : राज्यातील 12वी बोर्ड परीक्षेचा निकाल आज सोमवारी जाहीर झाला. नाशिक विभागात नाशिक सर्वप्रथम 95.61 तर जळगाव 94.54 टक्के निकाल लागला आहे. बारावीच्या परिक्षेत नेहमी प्रमाने यंदाही मुलींनीच बाजी मारली असून, जळगाव जिल्हयात सरासरी निकाल 94.54 टक्के जाहिर झाला आहे.
बारावीची परीक्षा 11 फेब्रुवारी ते 18-मार्च 2025 दरम्यान घेण्यात आली होती. जळगाव जिल्ह्यात 81 केंद्रावर बारावी परिक्षा घेण्यात आली होती. यात 47 हजार 667 विद्यार्थी प्रविष्ठ झाले होते. परीक्षेनंतर विद्यार्थ्यांचे लक्ष निकालाकडे लागून होते. अखेर आज सोमवारी निकाल जाहीर झाला असून, बारावीच्या परिक्षेत नेहमी प्रमाने यंदाही मुलींनी बाजी मारली आहे. जळगाव जिल्ह्याचा निकाल सरासरी 64.54 टक्के लागला आहे. यात नुतन मराठा महाविद्यालयाचा 98 तर मु.जे.महाविद्यालयाचा 97.60 टक्के निकाल जाहिर झाला आहे.
जळगाव जिल्ह्यातून बारावी परिक्षेसाठी 81 केंद्रांवर 26 हजार 814 विद्यार्थी तर 20 हजार 853 विद्यार्थीनी असे एकूण 47 हजार 667 विद्यार्थी प्रविष्ट झाले होते. यात विविध विद्याशाखांमधील 123 विषयांपैकी इंग्रजी 91.18, मराठी 95.37, हिन्दी 94.17, उर्दू 98.94, सामान्यज्ञान 99.08, इतिहास 95.96, भूगोल 95.50, गणित आणि संख्याशास्त्र 99.07, राज्यशास्त्र 96.78, भौतिकशास्त्र 98.99, रसायनशास्त्र 99.43, जीवशास्त्र 99.49, तर कॉमर्स शाखेत अकांऊंटन्सी 97.18, व्यापारशास्त्र 98.06, सचीव/चिटणीस कार्यपद्धती 97.57, सहकार 94.18 असा निकाल नाशिक उच्च माध्यमिक शालांत परीक्षेत जाहिर झाला आहे. जळगाव जिल्ह्यात 44.925 विद्यार्थ्यांनी नोंदणी केली होती. त्यापैकी 44हजार 736 विद्यार्थी परीक्षेत प्रविष्ठ झालेत आणि 42 हजार 295 सरासरी 94.54 टक्के विद्यार्थी यात उत्तीर्ण झाले आहेत.
बारावी पास झालात! मग, पुढे काय? जाणून घ्या करिअरच्या वाटा
कला (Arts)
जर तुम्ही कला शाखेतून बारावीची परीक्षा दिली असेल तर त्यानंतर तुम्ही बी.ए, बी.बी.ए, एम.बी.ए पदवी प्राप्त करू शकतात डी.एड, फॅशन डिझाइनिंग डिप्लोमा, एलएलबी देखील करू शकतात. तसेच B.A Economics मध्ये शेअर मार्केट, GDP, बिझीनेस अँड फायनान्स, डिमान्ड अँड सप्लाय अशा अर्थकारणाशी संबंधीत विषयांमध्ये रस असणाऱ्या व्यक्तींनी या क्षेत्राची निवड करू शकतात. पुढे त्याला मास्टर्सची जोड दिली तर इकोनॉमिस्ट, इकोनॉमिक रायटर, बँकर, इन्व्हेस्टमेंट, ॲनलिस्ट, मार्केट ॲनालिस्ट, ऑपरेशन मॅनेजर या आणि अशा अनेक करिअर संधी चांगल्या पॅकेजसह उपलब्ध होऊ शकतात.
वाणिज्य (Commerce)
जर तुम्ही वाणिज्य शाखेतून बारावीची परीक्षा दिली असेल तर तुम्ही B.com, BCA, CA, B.Arch पदवी प्राप्त करु शकतात. याचसोबत ग्रॅज्युएशन पूर्ण झाल्यानंतर एमबीए, मास्टर्स, बी.एड, एम.एड, एल.एल.बी. पदवी प्राप्त करु शकतात. B. Com in business administration, या क्षेत्रात पदवी मिळवल्यानंतर फायनान्स, अकाउंटिंग, मार्केटिंग अशा अनेक क्षेत्रात करिअर करू शकतात.
विज्ञान (Science)
जर तुम्ही विज्ञान शाखेतून बारावीची परीक्षा दिली असेल तर पुढे ग्रॅज्युएशन, मास्टर्स, आयटी (IT) अशा अनेक विषयात पदवी प्राप्त करु शकतात. तुम्ही एन.डी.ए (NDA) परीक्षा देऊन आर्मी, नेव्ही किंवा एअर फोर्समध्ये (Air Force) काम करु शकतात.
जर तुम्ही बारावीची परिक्षा PCB ग्रुप घेऊन उत्तीर्ण झाला असाल तर MBBS, Bachelor of dental surgery, Veterinary science and animal husbandry, medical lab and technology, Physiotherapy, Biotechnology, B.Sc. forensic science, यात पदवी घेऊ शकतात.
