तरुण भारत लाईव्ह । १८ एप्रिल २०२३। भारतीय रेल्वे केटरिंग अँड टूरिझम कॉर्पोरेशन लिमिटेड भारत सरकारच्या रेल्वे मंत्रालयाच्या अंतर्गत असलेल्या सार्वजनिक क्षेत्रातील कंपनीने विविध झोनमध्ये पर्यटन मॉनिटर्स आणि हॉस्पिटॅलिटी मॉनिटर्सच्या पदांच्या भरतीसाठी स्वतंत्र भरती सूचना जारी केल्या आहेत. महामंडळाने पूर्व विभाग, पश्चिम विभाग, दक्षिण विभाग आणि दक्षिण मध्य विभागासाठी जारी केलेल्या या भरती अधिसूचनांनुसार, दोन्ही पदांसाठी एकूण १७६ रिक्त पदांच्या भरतीसाठी वेगवेगळ्या तारखांना मुलाखतीचे आयोजन करण्यात आले आहे.
IRCTC Recruitment जारी केलेल्या अधिसूचनेनुसार, टूरिझम मॉनिटर्सच्या पदांसाठी, उमेदवारांनी एखाद्या मान्यताप्राप्त विद्यापीठातून पर्यटन विषयात बॅचलर पदवी किंवा पर्यटनातील एका वर्षाच्या डिप्लोमासह कोणत्याही शाखेतील पदवीधर असणे आवश्यक आहे. तर हॉस्पिटॅलिटी मॉनिटर्सच्या पदांसाठी उमेदवारांनी हॉटेल मॅनेजमेंटमध्ये बीएससी केलेले असावे. दोन्ही पदांसाठी उमेदवारांचे वय २८ वर्षांपेक्षा जास्त नसावे.
आरक्षित श्रेणीतील उमेदवारांसाठी उच्च वयोमर्यादेत शिथिलता देण्यात आली आहे, अधिक तपशीलांसाठी भरती अधिसूचना पहा. IRCTC द्वारे जाहिर टुरिझम मॉनिटर्स आणि हॉस्पिटॅलिटी मॉनिटर्सच्या पदांसाठी अर्ज करू इच्छिणारे पात्र उमेदवार कॉर्पोरेशनच्या अधिकृत वेबसाइट irctc.com वरील भरती विभागातील लिंकवरून या भरती सूचना डाउनलोड करू शकता. अर्ज अधिसूचनेतच दिला आहे. हा फॉर्म पूर्णपणे भरून आणि आवश्यक कागदपत्रे जोडून उमेदवारांना थेट मुलाखतीसाठी हजर राहावे लागेल.
