तरुण भारत लाईव्ह ।१३ फेब्रुवारी २०२३। नाशिक मधून एक धक्कादायक बातमी समोर येतेय जिल्ह्यातील सिन्नर तालुक्यातील पाचले गावाजवळ बाळूमामाच्या मेंढ्यांचा कळप भरधाव वेगाने येणाऱ्या स्विफ्ट कारने चिरडल्याची घटना घडली. यामध्ये सुमारे 12 ते 15 मेंढ्यांचा मृत्यू झालाअसून, काही मेंढ्या जखमी झाल्या आहेत.
सूत्राने दिलेल्या माहितीनुसार, शनिवारी सायंकाळी 7.30 च्या सुमारास बाळूमामाच्या मेंढ्यांसह तेरा क्रमांकाची पालखी सिन्नर येथील मिरगाव येथे मुक्कामी होती. या पालखीसह सुमारे 250 मेंढ्यांचा कळप पाचले शिवारातील रस्त्याच्या कडेला असलेल्या शेताकडे जात होता. शिंदेवाडी फाट्यावरून शहा यांच्या बाजूने पाचळेकडे जाणाऱ्या भरधाव वेगात असलेल्या स्विफ्ट कारने थेट कळपावर धडक दिली. यावेळी झालेल्या चेंगराचेंगरीत 12 ते 15 मेंढ्या ठार तर काही जखमी झाल्या. त्यामुळे परिसरात खळबळ उडाली.
