हावडा, पश्चिम बंगाल : हावडा जिल्ह्यातील संकरेल गावात एक धक्कादायक प्रकार समोर आला आहे. एका महिलेने आपल्या पतीला मुलीच्या शिक्षणासाठी १० लाखांत किडनी विकायला लावली. त्यानंतर सर्व पैसे घेऊन महिला प्रियकरासोबत फरार झाली. या प्रकरणी पतीने पत्नीविरुद्ध पोलिस ठाण्यात गुन्हा दाखल केला आहे.
पोलिसांत दिलेल्या फिर्यादीनुसार, संकरेल येथे राहणाऱ्या एका पेंटरने आणि त्याच्या पत्नीने मुलीच्या शिक्षणासाठी आर्थिक संकटातून मार्ग काढण्यासाठी किडनी विकण्याचा अत्यंत धाडसी निर्णय घेतला.
हेही वाचा : व्याजाच्या बदल्यात पत्नीकडे शरीरसुखाची मागणी; व्यावसायिकाने संपवले जीवन
पेंटरचे उत्पन्न कमी असल्यामुळे त्याच्या पत्नीने त्याला किडनी विकण्याचा प्रस्ताव दिला. सुरुवातीला पतीने विरोध केला, पण पत्नीने मुलीच्या भविष्याबद्दल विचार करून त्याला किडनी विकण्यास भाग पाडले.
महिनाभरानंतर पेंटरने त्याची किडनी १० लाख रुपयांत विकली. पैसे मिळाल्यावर पत्नीने त्यांना विश्वासाने घेतले आणि सांगितले की, ती सकाळी ते बँकेत जमा करेल. मात्र, रात्रीच ती प्रियकर रविदाससोबत फरार झाली.
या प्रकरणी पतीच्या तक्रारीनुसार पत्नीविरुद्ध पोलिस ठाण्यात गुन्हा दाखल करण्यात आला आहे. पोलीस अधिक तपास करीत आहेत.
चिकन पार्टी : पैसे न दिल्याने मित्रानेच मित्राला संपवलं
पनवेल : खारघरमधील बेलपाडा आदिवासी वाडी येथे एका धक्कादायक घटनेने सर्वांना हादरवून टाकले आहे. एका मित्राने केवळ चिकन पार्टीसाठी पैसे न दिल्याने दुसऱ्या मित्राची हत्या केली. जयेश वाघ (२८) असे मृत तरुणाचे नाव आहे.
गेल्या रविवारी बेलपाडा येथील क्रिकेटच्या मैदानाजवळ जयेश वाघ आणि त्याचे काही मित्र चिकन बनवत होते. यावेळी मन्नू शर्मा याने चिकन पार्टीसाठी वर्गणी दिली नाही, यामुळे त्यांच्यात वाद झाला.
वादावरून त्यांच्यात गाल-तासारणीची घटना घडली. जयेशने मन्नूला कानशिलात लगावली, ज्यामुळे मन्नू त्याला रागाने ठोठावू लागला. मन्नूने हाताच्या बुक्क्यांनी जयेशला मारहाण केली. त्यानंतर अचानक क्रिकेटच्या बॅटने त्याच्या डोक्यावर आणि पाठीवर जोरदार प्रहार केला. या प्रहारामुळे जयेश गंभीर जखमी झाला आणि त्याचा उपचारादरम्यान मृत्यू झाला.
या घटनानंतर मन्नू शर्मा फरार झाला, पण पोलिसांनी त्याला ताब्यात घेत हत्येचा गुन्हा दाखल केला आहे. खारघर पोलिसांनी मन्नू शर्मा विरोधात हत्येचा गुन्हा दाखल करून त्याला अटक केली आहे. न्यायालयाने आरोपीला पोलीस कोठडी सुनावली आहे, आणि पोलिस अधिक तपास सुरू आहे.
