नवी दिल्ली । तुम्ही देखील खाजगी क्षेत्रातील मोठी बँक ICICI चे ग्राहक असाल तर ही बातमी तुमच्यासाठी आहे. कारण बँकेने जवळपास 17,000 क्रेडिट कार्ड ब्लॉक केले आहे. रद्द केलेली क्रेडिट कार्ड चुकीच्या हातात पोहोचल्याचे सांगितले जात आहे. बँकेने याची तात्काळ दखल घेत सर्व युजर्सचे कार्ड ब्लॉक केले ही दिलासादायक बाब आहे. याशिवाय वापरकर्त्यांना भरपाई दिली जाईल असेही सांगण्यात आले आहे. बँकेने असेही म्हटले आहे की सर्व वापरकर्त्यांना नवीन कार्ड दिले जाईल.
ICICI बँकेच्या प्रवक्त्याने दिलेल्या माहितीनुसार, गेल्या काही दिवसांत जारी केलेली 17,000 क्रेडिट कार्डे बँकेच्या डिजिटल चॅनेलमध्ये चुकीच्या वापरकर्त्यांसाठी चुकीने मॅप केली गेली आहेत. प्रवक्त्याने सांगितले की, “तात्काळ उपाय म्हणून आम्ही ही कार्डे ब्लॉक केली आहेत आणि ग्राहकांना नवीन कार्ड जारी करत आहोत. ग्राहकांना झालेल्या या गैरसोयीबद्दल आम्ही दिलगीर आहोत.”
या सेटमधील कोणत्याही कार्डचा गैरवापर झाल्याचे एकही प्रकरण आमच्या निदर्शनास आलेले नाही, असेही ते म्हणाले. परंतु सावधगिरीने ते अद्याप रद्द करण्यात आले आहेत. जेणेकरून बँकेमुळे कोणाचेही नुकसान होणार नाही. कारण हा सर्वस्वी बँकेचा दोष आहे. आयसीआयसीआय बँकेचे ग्राहक सोशल मीडियावर दावा करत आहेत की ते क्रेडिट कार्ड तपशील पाहण्यास सक्षम आहेत. काही कार्डधारकांनी मेलद्वारे तक्रारीही केल्या होत्या. ज्याची तात्काळ दखल घेण्यात आली आहे. मात्र, अद्याप एकाही ग्राहकाचे नुकसान झाल्याचे वृत्त नाही.
