नवी दिल्ली : अयोध्येत सुरू असलेले राम मंदिराचे बांधकाम पूर्णत्वास आले आहे. भव्य राम मंदिराच्या उद्घाटनाची तारीख निश्चित झाली आहे. श्री रामजन्मभूमी तीर्थ क्षेत्र न्यासचे आंतरराष्ट्रीय कोषाध्यक्ष स्वामी गोविंद गिरी यांनी या संदर्भात माहिती दिली आहे. ‘जानेवारी २०२४ च्या तिसऱ्या आठवड्यात राम मंदिराचे उद्घाटन नक्कीच होईल, अशी माहिती त्यांनी दिली.
राम मंदिराच्या उद्घाटनाची तारीख २१ ते २३ जानेवारी दरम्यान निवडली जाईल. मुहूर्ताच्या तारखा पंतप्रधान नरेंद्र मोदी यांना पाठवण्यात आल्या आहेत. राम मंदिराच्या उद्घाटनाची तारीख पंतप्रधान निवडतील, जेणेकरून उद्घाटनाच्या वेळी पंतप्रधानांची उपस्थिती सुनिश्चित करता येईल. यासोबतच सर्व संप्रदायातील संत-मुनींनी उद्घाटनाला उपस्थित राहण्याचे आवाहन करण्यात आले आहे. मंदिराच्या उभारणीचे काम वेगाने सुरू आहे.
उद्घाटनाच्या दिवशी मुख्य कार्यक्रमाला फक्त संत महात्माच उपस्थित राहतील, असा निर्णय घेण्यात आला आहे. मुख्य कार्यक्रम संक्षिप्त असेल. मंदिरात अभिषेक झाल्यानंतर राष्ट्र आणि जगासाठी एक औपचारिक कार्यक्रम आयोजित केला जाईल. संतांच्या दर्शनानंतर मंदिर सर्वांसाठी खुले करण्यात येणार आहे. या उत्सवासाठी देशातील सर्व राज्यांमधून अयोध्येपर्यंत विशेष ट्रेन चालवण्याची योजना आहे.
राम मंदिराच्या उद्घाटनाच्यावेळी देशात अयोध्येचे वातावरण निर्माण झाले पाहिजे त्यासाठी प्रतिष्ठानच्या सात दिवस अगोदर लोकांनी विविध प्रकारे नाविन्यपूर्ण सादरीकरण करावे, असे आवाहन संपूर्ण देशाला केले जाणार आहे. रामलीला, रामकथेसह अनेक प्रकारचे उत्सव आयोजित केले पाहिजेत. राम मंदिराच्या उद्घाटनाच्या सात दिवस आधी आणि उद्घाटनानंतर सात दिवस असेच वातावरण राम मंदिराच्या उद्घाटनाला राहणार आहे.
