IND vs ENG 1st Test : भारत आणि इंग्लंड यांच्यातील पाच कसोटी सामन्यांच्या मालिकेतील पहिला सामना लीड्स येथे खेळला जात आहे. टीम इंडियाने पहिल्या डावात ४७१ धावा केल्या आहेत. प्रत्युत्तरादाखल इंग्लंडने ४६५ धावा केल्या. आता भारताचा दुसरा डाव सुरू आहे.
लीड्स कसोटीत भारतीय संघासाठी बुमराहची कामगिरी महत्त्वाची ठरली आहे. पहिल्या डावात त्याने २४.४ षटके गोलंदाजी केली, ज्यामध्ये अनेक मोठे स्पेल होते आणि महत्त्वाचे बळी घेतले. पण गेल्या काही वर्षांपासून दुखापतींशी झुंजणाऱ्या बुमराहची तंदुरुस्ती नेहमीच चर्चेचा विषय राहिली आहे.
मुलाखतीच्या सुरुवातीला संजनाने त्याला त्याच्या शरीराच्या स्थितीबद्दल विचारले. संजनाने विचारले, ‘जसप्रीत, या कसोटीत तुझे शरीर कसे प्रतिसाद देत आहे?’ यावर उत्तर देताना बुमराह हसला आणि म्हणाला, ‘सर्व काही ठीक आहे. मी पूर्णपणे तंदुरुस्त आहे आणि गोलंदाजीचा आनंद घेत आहे.’ बुमराहचे हे उत्तर प्रत्येक भारतीय क्रिकेट चाहत्यासाठी दिलासा देणार आहे.
संजनाने बुमराहला असेही सांगितले की, या मालिकेतील सर्व ५ सामने तुम्ही खेळावेत अशी सर्वांना इच्छा आहे. पण बुमराहने यावर कोणतेही उत्तर दिले नाही. तुम्हाला सांगतो की, बुमराहने या मालिकेपूर्वीच स्पष्ट केले आहे की, वर्कलोड मॅनेजमेंट लक्षात घेऊन तो मालिकेतील सर्व ५ सामन्यांचा भाग असणार नाही.
