India–Pakistan War: भारत-पाक युद्धात अमेरिका सहभागी होणार नाही; उपराष्ट्रपती जे. डी. व्हान्स

India–Pakistan War: भारत आणि पाकिस्तानमधील वाढत्या तणावादरम्यान अमेरिका युद्धापासून दूर राहणार असून आम्ही अशा युद्धात सहभागी होणार नाही मूलभूतपणे हे आमचे काम नाही. अमेरिका भारत व पाकिस्तानवर नियंत्रण ठेवू शकत नसली तरी, दोन अण्वस्त्रधारी शेजारी देशांना तणाव कमी करण्यास प्रोत्साहित करू शकते, असे उपराष्ट्रपती जे. डी. व्हान्स यांनी फॉक्स न्यूजला दिलेल्या मुलाखतीत म्हटले. दोन अण्वस्त्रधारी देशांमधील संघर्षाबद्दल आम्हाला चिंता आहे, असे ट्रम्प आधीच म्हणाले होते, असे व्हान्स यानी सांगितले. व्हान्स यांनी अमेरिकेचे अध्यक्ष डोनाल्ड ट्रम्प व परराष्ट्र मंत्री मार्को रुवियो यांच्या मतांशी सहमती दर्शविली.

अमेरिका तणाव लवकरात लवकर कमी करू इच्छितो. आम्ही या देशांवर नियंत्रण ठेवू शकत नाही. मूलभूतपणे, भारताचे पाकिस्तानशी काही संबंध आहेत. पाकिस्तानने भारताला प्रत्युत्तर दिले आहे. आपण जे करू शकतो ते म्हणजे या लोकांना तणाव कमी करण्यासाठी प्रोत्साहित करण्याचा प्रयत्न करणे. परंतु आपण अशा युद्धात अडकणार नाही जे मुळात आमचे काम नाही आणि अमेरिकेचा त्यावर नियंत्रण ठेवण्याच्या क्षमतेशी त्याचा काहीही संबंध नाही, असे उपराष्ट्रपती जे. डी. व्हान्स म्हणाले.

अमेरिका भारतीयांना तसेच पाकिस्तानींना शस्त्रे खाली ठेवण्यास सांगू शकत नाही. म्हणून आम्ही राजनैतिक मार्गांनी या गोष्टी पाठपुरावा करत राहणार आहोत. हे एका व्यापक प्रादेशिक युद्धात किंवा देव करो, अणुयुद्धात रूपांतरित होणार नाही अशी आमची अपेक्षा आहे, परंतु निश्चितच आम्हाला या गाष्टींबद्दलची काळजी आहे, असेही व्हान्स म्हणाले. व्हान्स पहिल्या अधिकृत भारत दौऱ्यावर असताना २२ एप्रिल रोजी जम्मू आणि काश्मीरमधील पहलगाममध्ये दहशतवाद्यांनी २६ लोकांची हत्या केली होती.