भारतीय हवाई दलात नोकरीची संधी, ११ जुलैपासून सुरू होणार अर्ज प्रक्रिया

Published On: जून 26, 2025 4:02 pm

---Advertisement---

Indian Air Force Recruitment 2025 : भारतीय हवाई दलात नोकरीचे स्वप्न पाहणाऱ्यांसाठी आनंदाची बातमी समोर आली आहे. अग्निपथ योजनेअंतर्गत वायुसेनेने अग्निवीर एअर इनटेक १/२०२६ भरतीची घोषणा केली आहे. अर्ज प्रक्रिया ११ जुलैपासून सुरू होणार असून, २५ सप्टेंबर २०२५ रोजी ऑनलाइन परीक्षा घेतली जाणार आहे. इच्छुक उमेदवार agnipathvayu.cdac.in ला भेट देऊन अर्ज करू शकतात.

शैक्षणिक पात्रतेबद्दल बोलायचे झाले तर, तीन प्रकारचे उमेदवार अर्ज करू शकतात. ज्यांनी १२वी मध्ये भौतिकशास्त्र, गणित आणि इंग्रजी विषयांमध्ये किमान ५०% गुण मिळवले आहेत. याशिवाय, ज्यांनी मेकॅनिकल, इलेक्ट्रिकल, इलेक्ट्रॉनिक्स, कॉम्प्युटर सायन्स इत्यादी ट्रेडमध्ये तीन वर्षांचा अभियांत्रिकी डिप्लोमा केला आहे आणि त्यात ५०% गुण आहेत.

अग्निवीर वायुच्या भरती प्रक्रियेत, प्रथम ऑनलाइन लेखी परीक्षा घेतली जाईल. त्यानंतर शारीरिक तंदुरुस्ती चाचणी (PST/PET), कागदपत्रांची पडताळणी आणि नंतर वैद्यकीय तपासणी होईल. या सर्व टप्प्यात यशस्वी झालेल्या उमेदवारांची गुणवत्ता यादी तयार केली जाईल.

किती पगार दिला जाईल?

अग्निवीर वायुला पहिल्या वर्षी दरमहा ३०,००० रुपये पगार मिळेल, जो दरवर्षी वाढेल. चौथ्या वर्षापर्यंत, हा पगार दरमहा ४०,००० रुपयांपर्यंत पोहोचेल. याशिवाय, सेवा पूर्ण झाल्यावर, अग्निवीरांना सुमारे १०.०८ लाख रुपयांचा सेवा निधी करमुक्त दिला जाईल.