भारतीय सैन्यात अधिकारी बनण्याचे स्वप्न पाहणाऱ्या तरुणांसाठी आनंदाची बातमी आहे. भारतीय सैन्य 10+2 टेक्निकल एंट्री स्कीम कोर्स 52 (जानेवारी 2025) पदांसाठी भरतीची जाहिरात निघाली आहे. या भरतीद्वारे लेफ्टनंट पदावर थेट नियुक्ती केली जाईल. यामध्ये सर्वात महत्त्वाची बाब म्हणजे अविवाहित उमेदवारच यासाठी अर्ज करू शकतात.
शैक्षणिक पात्रता :
उमेदवार 60% गुणांसह भौतिकशास्त्र, रसायनशास्त्र आणि गणितासह 12वी उत्तीर्ण असावा. याशिवाय, तुम्ही JEE Mains 2024 ची परीक्षा देखील दिली असावी.
तुम्ही कधी अर्ज करू शकता?
दरवर्षी, इंडियन आर्मी टेक्निकल एंट्री स्कीम (TES) 52 अभ्यासक्रमांच्या अधिसूचनेमध्ये, या पदांसाठी 13 जूनपर्यंत ऑनलाइन अर्ज करता येतील, असे सांगण्यात आले आहे. त्यामुळे तुम्हाला या पदांसाठी अर्ज करायचा असेल तर शेवटच्या तारखेपूर्वी अर्ज करा.
भारतीय सैन्यात तांत्रिक प्रवेश योजना (TES) 52 अभ्यासक्रमांद्वारे एकूण 90 पदांची भरती केली जाणार आहे, यासाठी उमेदवारांचे किमान वय 16 वर्षे 6 महिने आणि कमाल 19 वर्षे 6 महिने असावे. या पदांसाठी अर्ज करू इच्छिणारा कोणताही उमेदवार भारतीय लष्कराच्या joinindianarmy.nic.in या वेबसाइटला भेट देऊन अर्ज करू शकतो.
