---Advertisement---
Women’s World Cup 2025 : भारतीय क्रिकेट नियामक मंडळाने आयसीसी महिला विश्वचषक २०२५ साठी भारतीय महिला संघाची घोषणा केली आहे. ३० सप्टेंबरपासून महिला एकदिवसीय विश्वचषक सुरू होत आहे. नीतू डेव्हिड यांच्या अध्यक्षतेखालील महिला निवड समितीने या स्पर्धेसाठी १५ स्टार खेळाडूंची निवड केली आहे. निवडीनंतर नीतू डेव्हिड यांनी पत्रकार परिषदेत संघाची घोषणा केली. या स्पर्धेत हरमनप्रीत कौर भारतीय संघाचे नेतृत्व करेल.
आयसीसी महिला विश्वचषक २०२५ साठी स्मृती मानधना हिची उपकर्णधार म्हणून निवड करण्यात आली आहे, जी बऱ्याच काळापासून ही जबाबदारी सांभाळत आहे. प्रतीका रावल, हरलीन देओल, दीप्ती शर्मा आणि जेमिमा रॉड्रिग्ज सारख्या स्टार खेळाडू देखील या संघाचा भाग आहेत. परंतु शेफाली वर्माची संघात निवड झालेली नाही. शेफाली वर्माची अलिकडची कामगिरी काही खास राहिलेली नाही, तिला संघातून वगळण्यात आले. ती सध्या भारतीय अ संघासोबत ऑस्ट्रेलिया दौऱ्यावर आहे.
टीम इंडिया
हरमनप्रीत कौर (कर्णधार), मानधना, प्रतिका रावल, हरलीन देओल, दीप्ती शर्मा, जेमिमा रॉड्रिग्स, रेणुका सिंग, अरुंधती रेड्डी, रिचा घोष, क्रांती गौड, अमनजोत कौर, राधा यादव, श्री चरणी, यस्तिका भाटिया, स्नेह राणा.
