IPL 2025 Mega Auction । आयपीएल 2025 च्या मेगा लिलावात सर्वांच्या नजरा ऋषभ पंतवर आहेत. रिपोर्ट्सनुसार, चेन्नई सुपर किंग्ज त्याला खरेदी करण्यास उत्सुक आहे. CSK ने पंतच्या संदर्भात धोनीशीही चर्चा केली आहे. आता त्याने या संभाषणाचा खुलासाही केला आहे.
आयपीएल 2025 साठी मेगा लिलाव जाहीर करण्यात आला आहे. बीसीसीआय 24 आणि 25 नोव्हेंबर रोजी याचे आयोजन होत असून, यात 1574 खेळाडू सहभागी आहेत. यावेळी स्टार खेळाडू ऋषभ पंत देखील मेगा लिलावात उपस्थित असेल. आता सगळ्यांच्या नजरा त्याच्यावर खिळल्या आहेत.
रिपोर्ट्सनुसार, असा दावा करण्यात आला आहे की चेन्नई सुपर किंग्ज त्याला पुढील सीझनमध्ये विकत घेणार आहे आणि तो धोनीसोबत खेळताना दिसणार आहे. दोन स्टार खेळाडू एकत्र येत असल्याचं ऐकल्यानंतर चाहत्यांमध्ये उत्सुकता वाढली आहे की, खरंच असं होणार आहे का ? या चर्चेदरम्यान, पहिल्यांदाच CSK पंतबद्दल उघडपणे बोलला आहे.
पंतबाबत धोनीशी बोललो
कासी विश्वनाथनने खुलासा केला की, त्याने ऋषभ पंतबाबत एमएस धोनी, कर्णधार रुतुराज गायकवाड आणि प्रशिक्षक स्टीफन फ्लेमिंग यांच्याशी चर्चा केली आहे. मेगा लिलावात पंतसाठी बोली लावण्याबाबत सर्वांनी चर्चा केली. सखोल चर्चेनंतर गेल्या काही वर्षांत ज्या खेळाडूंनी संघाच्या प्रगतीसाठी मदत केली त्यांना परत आणण्याचा निर्णय घेण्यात आला. चेन्नई सुपर किंग्जच्या सीईओने हा खुलासा संघाचा माजी खेळाडू अंबाती रायडूशी प्रोव्होक टीव्हीवर बोलताना केला.
काशी विश्वनाथन यांनी सांगितले की त्यांची फ्रेंचायझी स्वतःच्या खेळाडूंना परत घेण्याचा विचार करत आहे. आयपीएल 2024 ची लाइनअप तशीच राहावी अशी इच्छा आहे. त्यांच्या पर्समध्ये फारच कमी पैसे शिल्लक आहेत त्यामुळे CSK मेगा लिलावात मोठ्या नावांच्या मागे जाणार नाही. तथापि, सीएसकेचे सीईओ म्हणाले की पंतला संघात आणण्यासाठी ते सर्वतोपरी प्रयत्न करतील परंतु पर्स लक्षात घेता तसे करणे कठीण आहे. तो दुसऱ्या संघाविरुद्ध स्पर्धा करू शकणार नाही.
CSK कडे फक्त 55 कोटी
चेन्नई सुपर किंग्जने आयपीएल 2025 साठी 5 खेळाडूंना कायम ठेवले आहे. सीएसकेने रुतुराज गायकवाडला 18 कोटी रुपये, रवींद्र जडेजाला 18 कोटी रुपये, मथिशा पाथिरानाला 13 कोटी रुपये, शिवम दुबेला 12 कोटी रुपये आणि एमएस धोनीला 4 कोटी रुपये दिले आहेत.
धोनीला अनकॅप्ड खेळाडू म्हणून कायम ठेवण्यात आले आहे. अशाप्रकारे, फ्रँचायझीने या 5 खेळाडूंसाठी एकूण 65 कोटी रुपये खर्च केले आहेत, तर संपूर्ण पर्स 120 कोटी रुपये आहे. म्हणजेच आता मेगा लिलावात उर्वरित संघ पूर्ण करण्यासाठी त्यांच्याकडे फक्त 55 कोटी रुपये शिल्लक आहेत.
