Jalgaon City Assembly Election 2024 । विधानसभा निवडणुकीच्या मतदानानंतर आता उत्सुकता आहे ती निकालाची. जळगाव शहर विधानसभा मतदारसंघात आमदार सुरेश भोळे विरुद्ध जयश्री सुनिल महाजन अशी प्रमुख लढत आहे. त्यामुळे भाजपचे आमदार सुरेश भोळे हॅट्रिक करणार की जयश्री सुनिल महाजन मैदान मारणार, याकडे आता सर्वांचेच लक्ष आहे.
जळगाव शहर विधानसभा मतदारसंघात आमदार सुरेश भोळे यांनी २०१४ मध्ये दहाव्यांदा आमदारकीचा विक्रम करण्याच्या उद्देशाने रिंगणात उतरलेले शिवसेनेचे सुरेश जैन यांचा तर, २०१९ मध्ये राष्ट्रवादी कॉंग्रेसचे उमेदवार अभिषेक पाटील यांचा पराभव केला होता.
त्यामुळे आता आमदार सुरेश भोळे हॅट्रिक साधण्याच्या तयारीत आहेत. महाविकास आघाडीच्या उमेदवार जयश्री सुनिल महाजन यांनीदेखील टफ फाईट दिली आहे. मात्र जनतेचा कल आमदार सुरेश भोळे यांच्या दिशेने असल्याचं चित्र आहे.
जळगाव शहर विधानसभा मतदारसंघात आमदार सुरेश भोळे बाजी मारु शकतात, असा अंदाज एक्झिट पोलमधून वर्तविण्यात आला आहे. त्यामुळे त्यांचे मताधिक्य किती असेल याकडे आता सर्वांचेच लक्ष आहे.
दरम्यान, एक्झिट पोलमध्ये आमदार सुरेश भोळे यांचं पारडं जड दिसत असलं तरी नक्की मैदान कोण मारणार हे निकालाच्या दिवशीच स्पष्ट होईल.
