जळगावला आजपासून पुढील तीन दिवस ‘यलो अलर्ट’ जारी
जळगाव । उद्या म्हणजेच 5 जून पर्यंत मान्सून केरळात धडकण्याची शक्यता असून त्यापूर्वीच जळगाव जिल्ह्यातमधील तापमानात बदल पाहायला मिळतोय. सध्या उन्ह-सावलीचा खेळ पाहायला मिळत असून त्यामुळे तापमानाच्या पारामध्ये किंचित घट झाली आहे. दरम्यान, आज पासून पुढचे तीन दिवस जिल्ह्यात ‘यलो अलर्ट’ जारी करण्यात आला आहे.
आज रविवारी देखील सकाळपासून ढगाळ वातावरण पाहायला मिळाले. तुरळक तर काही ठिकाणी वादळी पावसाची शक्यता आहे. मान्सून केरळात दाखल झाल्यानंतर राज्यभरात सक्रिय होईल असे अंदाज वर्तवले जात आहेत.
हवामान अभ्यासक पंजाबराव डक यांच्या माध्यमातून देखील खान्देशातील तीनही जिल्ह्यात 3 ते 8 जून दरम्यान पावसाची शक्यता वतर्वण्यात आली आहे. शनिवारी दिवसभर उन्ह-सावलीचा खेळ सुरू होता. शनिवारी 41.9 अंश सेल्सिअस कमाल तापमानाची नोंद करण्यात आली.