काही दिवसांपूर्वी गुपचूप उरकला होता साखरपुडा, आता अचानक डिलीट केले फोटो, कुलदीपने असं का केलं ?

Kuldeep Yadav : भारतीय क्रिकेट संघाचा स्टार फिरकीपटू कुलदीप यादवने नुकताच त्याची बालपणीची मैत्रीण वंशिकासोबत साखरपुडा केला. ४ जून रोजी लखनौ येथे हा समारंभ पार पडला, ज्यामध्ये जवळचे मित्र आणि कुटुंबातील सदस्य, क्रिकेटपटू रिंकू सिंग उपस्थित होते. त्यानंतर तो टीम इंडियासोबत इंग्लंड दौऱ्यासाठी रवाना झाला, पण या सगळ्यात कुलदीप यादव पुन्हा एकदा चर्चेत आला आहे.

खरं तर, १६ जून रोजी कुलदीपने त्याची बालपणीची मैत्रीण वंशिकासोबत इंस्टाग्रामवर काही फोटो शेअर केले होते, परंतु त्यानंतर काही वेळातच त्याने हे फोटो डिलीट केले. जे चाहत्यांमध्ये चर्चेचा विषय बनले. या फोटोंमध्ये कुलदीपने काळा सूट घातला होता आणि वंशिकाने पांढरा गाऊन घातला होता. त्याचे हे फोटो काही वेळातच सोशल मीडियावर व्हायरल झाले. पण कुलदीपने हे फोटो डिलीट करून सर्वांना आश्चर्यचकित केले.

तथापि, कुलदीपने इंस्टाग्रामवरून हे फोटो काढून टाकल्यानंतर अनेक प्रश्न उपस्थित केले जात आहेत. सोशल मीडियावरील काही चाहते या दोघांमधील नात्यात कटुता असल्याचा दावा करत आहेत. त्याच वेळी, काही चाहत्यांचा असा विश्वास आहे की कुलदीपने सोशल मीडियावरील ट्रोलर्सच्या कमेंट्स टाळण्यासाठी हे केले आहे. मात्र, कुलदीपच्या बाजूने याबाबत कोणतेही स्पष्टीकरण आलेले नाही. तसेच इंग्लंड दौऱ्यानंतर हे जोडपे लग्न करणार असल्याचे सांगण्यात येत आहेत.

कोण आहे वंशिका ?

कानपूरची रहिवासी वंशिका, जी सध्या लाइफ इन्शुरन्स कॉर्पोरेशन (एलआयसी) मध्ये काम करते, ती कुलदीपची बालपणीची मैत्रीण आहे. कुलदीपने सोशल मीडियावर वंशिकासोबतचा फोटो शेअर करून चाहत्यांना साखरपुडयाची माहिती दिली होती. इंग्लंड दौऱ्यानंतर हे जोडपे लग्न करणार असल्याचे सांगण्यात येत आहेत.