इंडियन प्रीमियर लीग (IPL) 2024 च्या 48 व्या सामन्यात मंगळवारी (30 एप्रिल) लखनौ सुपर जायंट्स (LSG) चा सामना मुंबई इंडियन्स (MI) सोबतहोणार आहे. यामध्ये एलएसजीचा सहावा विजय नोंदवून आपले स्थान मजबूत करण्याकडे लक्ष असेल, तर एमआयला सलग 2 पराभवानंतर विजयी मार्गावर परतण्यसाठी प्रयत्न असेल. हा सामना लखनऊच्या एकना स्टेडियमवर होणार आहे त्यामुळे एलएसजीला फायदा होणार आहे.
या स्टेडियममध्ये आतापर्यंत 12 आयपीएल सामने खेळले गेले आहेत. येथे प्रथम फलंदाजी करणाऱ्या संघांनी 6 सामने जिंकले आहेत आणि नंतर फलंदाजी करणाऱ्या संघांनी 5 सामने जिंकले आहेत. दरम्यान, 1 सामन्याचा निकाल लागला नाही. येथे सर्वात मोठी खेळी मार्कस स्टॉइनिसने खेळली आहे (89, vs MI, 2023). सर्वोत्तम गोलंदाजीचा विक्रम मार्क वुड (५/१४, वि. डीसी, २०२३) यांच्या नावावर आहे. येथे पहिल्या डावाची सरासरी 158 धावा आहे.
इकानाची खेळपट्टी काळ्या मातीने बनलेली आहे. या कारणास्तव, येथील खेळपट्टी इतर सर्व स्टेडियमपेक्षा थोडी संथ आहे आणि फिरकी गोलंदाजांना मदत करते. आत्तापर्यंत इथे लो स्कोअरिंग मॅचेस बघितल्या गेल्या आहेत. येथे वेगवान गोलंदाजांना सुरुवातीला मदत मिळते, पण कालांतराने फिरकी गोलंदाज वरचढ ठरतात. विशेष म्हणजे या मोसमात आतापर्यंत कोणत्याही संघाला 200 धावांचा टप्पा गाठता आलेला नाही.
लखनौ हवामान
Accuweather नुसार, 30 एप्रिल रोजी लखनऊमध्ये खूप गरम असेल. दिवसाचे कमाल तापमान 40 अंशांपर्यंत जाऊ शकते, तर किमान तापमान 22 अंशांपर्यंत राहण्याची शक्यता आहे. सामन्यादरम्यान उष्णतेपासून दिलासा मिळेल. सामन्यात पावसाची शक्यता नाही.
