देशातील सर्वात मोठी ऑटो उत्पादक कंपनी मारुती सुझुकी इंडियाने आपल्या ग्राहकांना मोठा धक्का दिला आहे. मारुती सुझुकीने १ फेब्रुवारीपासून कंपनीच्या सर्व मॉडेल्सच्या किमतीत वाढ होणार असल्याची घोषणा केली आहे.
कंपनीचे म्हणणे आहे की उत्पादन खर्चात झालेल्या वाढीमुळे त्यांना किमती वाढवाव्या लागत आहेत. इनपुट खर्चात झालेली ही वाढ, जसे की साहित्याच्या किमतीत वाढ, ईंधन दरातील बदल, आणि इतर उत्पादन संबंधित खर्च, यामुळे कंपनीला हा निर्णय घ्यावा लागला आहे.
किमती वाढीचे तपशील
कंपनीने प्रत्येक मॉडेलवर ही वाढ केली आहे. सियाझच्या किमतीत सर्वात कमी १,५०० रुपयांनी वाढ करण्यात आली आहे, तर सेलेरियोच्या किमतीत सर्वाधिक ३२,५०० रुपयांनी वाढ करण्यात आली आहे. प्रीमियम मॉडेल इन्व्हिक्टो ३०,००० रुपयांनी महाग होईल.
ऑल्टो K10: १९,५०० रुपयांनी महागणार
एस-प्रेसो: ५,००० रुपयांनी महागणार
सेलेरिया: ३२,५०० रुपयांनी महागणार
वॅगन आर: १५,००० रुपयांनी महागणार
स्विफ्ट: ५,००० रुपयांनी महागणार
डिझायर: १०,५०० रुपयांनी महागणार
ब्रेझा: २०,००० रुपयांनी महागणार
अर्टिगा: १५,००० रुपयांनी महागणार
ईको: १२,००० रुपयांनी महागणार
सुपर कॅरी: १०,००० रुपयांनी महागणार
इग्निस: ६,००० रुपयांनी महागणार
बलेनो: ९,००० रुपयांनी महागणार
सियाझ: १,५०० रुपयांनी महागणार
XL6: १०,००० रुपयांनी महागणार
फ्रॉन्क्स: ५,५०० रुपयांनी महागणार
इन्व्हिक्टो: ३०,००० रुपयांनी महागणार
जिम्नी: १,५०० रुपयांनी महागणार
ग्रँड विटारा: २५,००० रुपयांनी महागणार
मारुती सुझुकीने म्हटले आहे की कंपनी ग्राहकांवर कमीत कमी भार टाकू इच्छिते. परंतु इनपुट खर्चात वाढ झाल्यामुळे त्यांना किमती वाढवाव्या लागत आहेत. या वाढीनंतर वाहनांच्या किमतीत १,५०० रुपये ते ३२,५०० रुपयांपर्यंत वाढ होईल.
