Mehbooba Mufti : भारत आणि पाकिस्तानमधील तणाव दिवसेंदिवस वाढताना दिसत आहे. दरम्यान, पीडीपी प्रमुख आणि जम्मू-काश्मीरच्या माजी मुख्यमंत्री मेहबूबा मुफ्ती यांनी भारत आणि पाकिस्तानच्या पंतप्रधानांना शांततापूर्ण तोडगा काढण्याचे आवाहन केले आहे. त्यांनी म्हटले आहे की, लष्करी हस्तक्षेपापेक्षा राजकीय हस्तक्षेपाची गरज आहे.
मेहबूबा म्हणाल्या, ‘भारत आणि पाकिस्तानमधील तणाव सतत वाढत आहे, दुर्दैवाने तो सीमेच्या दोन्ही बाजूंनी निष्पाप लोकांचे जीव घेत आहे. या कठीण काळात, माझा विश्वास आहे की संयम आवश्यक आहे. दोन्ही देशांच्या नेत्यांनी आणि लष्करी कमांडरनी परिस्थिती कमी करण्यासाठी एकत्र येऊन या संघर्षाचे परिणाम भोगत असलेल्या निष्पाप नागरिकांच्या सुरक्षिततेला आणि कल्याणाला प्राधान्य दिले पाहिजे. शांततापूर्ण तोडगा काढणे आणि जीवित आणि मालमत्तेचे आणखी नुकसान टाळणे महत्त्वाचे आहे.
महिला आणि मुले बेघर होत आहेत – मेहबूबा
त्या म्हणाला, ‘तुम्हा सर्वांना भारत आणि पाकिस्तानमधील परिस्थितीची माहिती आहेच. सीमेवरील लोक, महिला आणि मुले बेघर होत आहेत. दोन्ही बाजूंनी निष्पाप लोकांचे जीव घेत आहे. ‘आमच्या मुलांना मारले जात असल्याने मी दोन्ही नेत्यांना हल्ले थांबवण्याची विनंती करते.’ हे सांगत असताना मेहबूबा मुफ्ती भावुक झाल्याचे पाहायला मिळाले. त्या म्हणालया, ‘दोन्ही देश काही प्रमाणात समान नुकसानीचा दावा करत आहेत, मग ते आमच्या मुलांना का मारत आहेत?’ मी पंतप्रधान मोदींना आवाहन करते, ज्यांनी युक्रेन युद्धादरम्यान सांगितले होते की त्यांनी हस्तक्षेप केल्यावर युद्ध थांबले.
