जालना : वर दाढीवाले बाबा, मुख्यमंत्री दाढीवाले आणि मी पाण्यावाला बाबा म्हणून मला पाणीपुरवठा खातं मिळाले, असे राज्याचे स्वच्छता आणि पाणीपुरवठा मंत्री गुलाबराब पाटील यांनी म्हटले आहे.
मंत्री गुलाबराब पाटील यांच्या हस्ते नुकताच जिल्ह्यातील नळ पाणीपुरवठा योजनांचा ई- उद्‌घाटन सोहळा पार पडला. यावेळी आयोजित कार्यक्रमात ते बोलत होते. तसेच सरकारमध्ये सगळ्यांचे खाते बदलले पण माझं खातं कायम ठेवलं असेही मंत्री गुलाबराब पाटील म्हणाले.
..अन् मंत्री ना. पाटील चांगलेच भडकले
विनायक राऊत यांनी मुख्यमंत्री एकनाथ शिंदे यांनी बाप बदलले; अशी टीका केली. याबाबत प्रश्न विचारला असता गुलाबराव पाटील चांगलेच भडकले. हे बघा, पाण्यावर विचारा. विनायक राऊत पाणीवाला नाहीये, असा प्रश्न त्यांनी पत्रकारांना विचारला.
ठाकरे गटाचे कोणतेही कार्यालय ताब्यात घेणार नाही
उध्दव ठाकरे गटाने शिवसेना पक्षाचा निधी कुठे वळवला याबाबत मला कल्पना नाही. त्यांच्या पक्ष निधीवर कोणताही दावा सांगणार नाही असंही त्यांनी सांगितलं. तसेच राज्यातील उद्धव ठाकरे गटाचे कोणतेही कार्यालय ताब्यात घेणार नसल्‍याचेही त्यांनी स्‍पष्‍ट केले.
