Nandurbar : नंदुरबार तालुक्यातील तिसी ग्रामपंचायत क्षेत्रात शिंदे गटाच्या कार्यकर्त्यांनी भारतीय जनता पक्षात प्रवेश केला आहे. या कार्यकर्त्यांनी आमदार डॉ. विजयकुमार गावित यांचे नेतृत्व स्वीकारून भाजपात प्रवेश केला. आमदार डॉ. विजयकुमार गावित यांच्या विकास कार्यावर आणि नेतृत्वावर विश्वास असल्यामुळे यापुढे त्यांच्या नेतृत्वात आम्ही भारतीय जनता पार्टीसाठी काम करू; असे या कार्यकर्त्यांनी याप्रसंगी सांगितले.
तिसी गावातील शिवसेना शिंदे गटाचे उपसरपंच रतन चिंतामण भील, ग्रामपंचायत सदस्य भगवान रूपा भील, युवराज मागु भील, कचरू चिंतामण भील, सुरसिंग रामचंद्र भील, भिमसिंग मालचे, कालूसिंग भील आणि अन्य कार्यकर्त्यांनी भाजपात प्रवेश केला आहे.
यावेळी आमदार डॉ. विजयकुमार गावित यांनी कार्यकर्त्यांना कमळ चिन्ह असलेले स्कार्फ देऊन त्यांचा सत्कार केला. भारतीय जनता पार्टीचे संघटन गावागावात वाढवण्यासाठी आपल्याला एकत्रित आणि संघटितपणे काम करायचे आहे. पक्षीय धोरण आणि विचार लक्षात घेऊन आपण सर्व ते कार्य करून दाखवाल; असा विश्वास या प्रसंगी आमदार डॉ. विजयकुमार गावित यांनी व्यक्त केला.
