Australia vs India Test : भारत आणि ऑस्ट्रेलिया संघात पर्थमधील ऑप्टस स्टेडियमवर पहिला कसोटी सामना सुरू आहे. पहिल्याच दिवशी वेगवान गोलंदाजांचे वर्चस्व राहिले. भारताचा संघ १५० धावांवर सर्वबाद झाला. पण त्यानंतर ऑस्ट्रेलियन संघही संघर्ष करत असून, अर्ध तंबूत परतला आहे. विशेषतः नितीश रेड्डीने पदार्पणातच चांगली कामगीरी केली.
टीम इंडियाने पर्थमध्ये प्रथम फलंदाजी करण्याचा निर्णय घेतला. येथे खेळल्या गेलेल्या शेवटच्या चार कसोटींमध्ये ऑस्ट्रेलियाने प्रथम फलंदाजी करून विजय मिळवला होता. अशा स्थितीत टीम इंडियानेही याच आशेने हा निर्णय घेतला. पहिल्या सत्रातच टीम इंडियाने विराट कोहली आणि केएल राहुलसह 4 विकेट गमावल्या. प्रथमच ऑस्ट्रेलियात खेळणाऱ्या यशस्वी आणि देवदत्त यांना खातेही उघडता आले नाही, तर कोहली पर्थचा बाउन्स समजून घेण्यात अपयशी ठरला.
केएल राहुल नक्कीच मजबूत दिसत होता, पण काही वेळानंतर तो अपयशी ठरला. अपेक्षेप्रमाणे ऋषभ पंतने टीम इंडियासाठी आघाडी घेतली होती पण त्याला साथ देण्यासाठी आलेले ध्रुव जुरेल आणि वॉशिंग्टन सुंदर काही विशेष करू शकले नाहीत. त्यानंतर क्रिझवर आठ क्रमांकाचा फलंदाज नितीश रेड्डी आला, जो कसोटी पदार्पण करत आहे.
या 21 वर्षीय फलंदाजाने पंतला केवळ साथ दिली नाही तर आपली क्षमताही दाखवली आणि आपली निवड चुकीची नसल्याचे सांगितले. पंतसह रेड्डी यांनी 7व्या विकेटसाठी 48 धावांची महत्त्वपूर्ण भागीदारी करत संघाला 100 धावांच्या पुढे ढकलले.
सर्वात खास गोष्ट म्हणजे रेड्डी यांची फलंदाजीची शैली. नितीश यांनी बॅकफूट आणि फ्रंटफूटचा चांगला वापर केला. विशेषत: त्याने ज्याप्रकारे पुढे सरकले आणि फिरकीपटू नॅथन लियॉनविरुद्ध काही अप्रतिम ड्राईव्ह मारले, जे त्याला पर्थच्या खेळपट्टीचा स्वभाव अल्पावधीतच समजला आहे हे दाखवण्यासाठी पुरेसे होते.
रेड्डीने संघाला 150 धावांपर्यंत नेले पण त्याला स्वतःचे अर्धशतक पूर्ण करता आले नाही. रेड्डीने 41 धावा केल्या आणि तो शेवटचा फलंदाज म्हणून बाद झाला, पण अशा काही डावात त्याने संघाच्या उर्वरित फलंदाजांना आरसा दाखवला.
