मुंबई : मुंबईतील एका रेस्टॉरंटमध्ये अन्नात मृत उंदीर सापडल्याची घटना समोर आली आहे. एका व्यक्तीने तक्रार केली की तो मुंबईतील एका रेस्टॉरंटमध्ये जेवायला गेला होता, मात्र यावेळी त्याच्या जेवणात मेलेला उंदीर आढळला. या प्रकरणी त्या व्यक्तीने पोलिसांत तक्रार केली, त्यानंतर पोलिसांनी रेस्टॉरंटचा व्यवस्थापक आणि दोन स्वयंपाकींना अटक केली.
रविवारी रात्री ते वांद्रे उपनगरातील रेस्टॉरंटमध्ये गेले. पोलिसांनी दिलेल्या माहितीनुसार, त्याने रेस्टॉरंटमध्ये चिकन डिशची ऑर्डर दिली होती, ज्यामध्ये मेलेला उंदीर आढळला होता. अधिकाऱ्याने सांगितले की, ग्राहकाला सुरुवातीला चिकन करीमध्ये मेलेला उंदीर दिसला नाही आणि त्याने चिकनचा तुकडा समजून तो खाल्ला. नंतर त्यांना चिकन डिशवर संशय आला आणि ते उंदराचे बाळ असल्याचे समजले. यानंतर ग्राहकाने या प्रकरणाची तक्रार रेस्टॉरंटच्या कर्मचाऱ्यांकडे केली, त्यानंतर त्यांनीही प्रकरणाचे गांभीर्य लक्षात घेऊन माफी मागितली. मात्र, चिकन करीमध्ये उंदीर आढळून आल्यानंतर ग्राहक आजारी पडल्याने ते डॉक्टरांकडे गेले
अधिकाऱ्याने सांगितले की, त्यांच्या तक्रारीच्या आधारे रेस्टॉरंटचा व्यवस्थापक आणि दोन स्वयंपाकींना अटक करण्यात आली आहे. पोलिसांनी त्यांच्याविरुद्ध भारतीय दंड संहितेच्या विविध कलमान्वये गुन्हा दाखल केला आहे. पोलिसांनी व्यवस्थापक आणि स्वयंपाकी यांच्याविरुद्ध कलम 272 (विकलेल्या अन्नात भेसळ) आणि कलम 336 (इतरांचा जीव किंवा वैयक्तिक सुरक्षा धोक्यात आणणे) अंतर्गत गुन्हा दाखल केला आहे. सध्या मॅनेजर आणि स्वयंपाकी यांची नंतर जामिनावर सुटका करण्यात आली आहे.
