संयुक्त कृती समितीतर्फे प्रिपेड स्मार्ट मिटरसह खासगीकरणाच्या धोरणाविरुद्ध एक दिवशीय संपाची घोषणा

जळगाव : महाराष्ट्र राज्य विद्युत कर्मचारी, अभियंते, अधिकारी कृती समिच्या वतीने बुधवारी (२ जुलै ) जळगाव परिमंडळा समोर द्वार सभा घेण्यात आली. या सभेत बुधवारी ( ९ जुलै ) रोजी विविध मागण्यांसाठी एकदिवशीय संप पुकारण्याचा ठराव एका मताने पास करण्यात आला.

महाराष्ट्र राज्य विद्युत कर्मचारी, अभियंते, अधिकारी संयुक्त कृती समितीच्या वतीने वीज उद्योगांचे खाजगीकरण व कंत्राटी पद्धतीने तसेच समांतर वीज वितरणासाठी खाजगी उद्योगांना प्रवेश देण्यास विरोध दर्शविण्यात येणार आहे. याकरीता ९ जुलै २०२५ रोजी एकदिवसीय संप पुकारण्यात आला आहे. या पार्श्वभूमीवर द्वार सभा घेऊन निषेध नोंदविला आहे.

द्वार सभेला कृती समितीत समाविष्ठ असलेल्या संघटनांचे पदाधिकारी, सभासद मोठ्या संखेने हजर होते. पारेषण तर्फे SEAचे श्री. चौधरी व पवन वाघुळदे , तांत्रिक कामगार युनियन ५०५९ झोन सचिव प्रदिप पाटील, वर्कर्स फेडरेशन सर्कल सचिव जितेंद्र अस्वार , महाराष्ट्र राज्य मागासवर्गीय संघटना सर्कल सचिव नितीन रामकुअंर यांनी मनोगत व्यक्त केले . रामकुअर यांनी सुत्रसंचालन केले तर झोन सह सचिव ५०५९ संजीव बारी यांनी आभार मानले.

अशा आहेत मागण्या

केन्द्र व राज्य सरकारांच्या वीज उद्योगाच्या खाजगीकरण धोरणाविरुध्द ९ जुलै २५ रोजी राज्यव्यापी एकदिवसीय संप पुकारण्यात आला आहे. यात समांतर वीज परवाना, प्रिपेड स्मार्ट मिटर, ३२९ सबस्टेशनचे खाजगीकरण कंत्राटीकरण माध्यमाने महावितरण व महापारेषण कंपन्याचे अस्तित्व धोक्यात आणण्याच्या पंडयंत्राविरुध्द, महावितरण व महापारेषण कंपनीच्या पुर्नरचनेच्या प्रस्तावाच्या विरोधात. २०१९ नंतर मंजूर झालेल्या उपकेन्द्रात स्टाफ मंजूर करा. सर्व कर्मचारी, अभियंत्याच्या पेन्शन योजनेकरीता
४३ हजार कंत्राटी-वाहयस्त्रोत कर्मचाऱ्यांना योग्य वेतन श्रेणीत सामावून घेण्यास्तव ४० हजार रिक्त पदावर भरती व वर्ग १ ते ४ मधील मागसवर्गीय अनुशेष भरून काढण्यास्तव. तिन्ही कंपन्यातील बदली धोरण व महानिर्मिती कंपनीतील भरती व सेवाशर्तीमधे एकतर्फी बदला विरुध्द आदी मागण्यांकरिता हा एकदिवशीय राज्यव्यापी संप पुकारण्यात आला आहे .