अडावद, ता. चोपडा । चोपडा विधानसभा मतदार संघाचे महायुतीचे उमेदवार प्रा. चंद्रकांत सोनवणे यांनी शनिवारी अडावदसह परिसरात प्रचार केला. ठिकठिकाणी या प्रचारादरम्यान नागरिकांचा उत्स्फूर्त पाहता व मतदारांनी दिलेल्या प्रेमळ शुभेच्छांनी प्रा. सोनवणे हे भावूक झाल्याचे पाहावयास मिळाले. नागरीकांनी तर फुलांचा वर्षाव करीत ढोल ताशांच्या गजरात मोठ्या जल्लोषात त्यांचे स्वागत केले.
येथील इंदिरा नगर प्लॉट भागातील हनुमान मंदिरात पुष्पहार अर्पण करुन व वंदन करुन त्यांनी प्रचाराला सुरुवात केली. महायुतीतील पक्षीय पदाधिकारी व कार्यकर्ते आणि नागरिकांच्या प्रचंड उपस्थितीत त्यांनी गावाचा संपूर्ण परिसर पिंजून काढला. प्रचाराच्या रॅली मार्गावरील असलेल्या संत महात्मा राष्ट्र पुरुषांच्या प्रतिमांना माल्यार्पण करुन त्यांनी अभिवादन केले. त्यांच्या स्वागतार्ह गल्लोगल्ली महिलांनी आकर्षक रांगोळ्या सजवलेल्या होत्या. ठिकठिकाणी महिलांनी त्यांचे औक्षण करुन विजयाच्या शुभेच्छा दिल्या.
यावेळी भाजपाचे तालुका अध्यक्ष चंद्रशेखर पाटील, डॉ. विकी सनेर, रविंद्र सोनवणे, भूषण पंचोली, माजी सरपंच भावना माळी, भारती महाजन, विजिता पाटील, नायजाबाई पावरा, बाळाभाऊ सोनवणे, रविंद्र माळी, पी. आर. माळी, सचिन महाजन, हरिष पाटील, नामदेव पाटील, लोकेश काबरा, संजय पाटील, एम. के. शेटे, नरेंद्र पाटील, मंगल इंगळे, पी. डी. महाजन, कृष्णा महाजन, संभाजी महाजन, जावेद खान आदींसह बहुसंख्य नागरिक उपस्थित होते. येथील जि. प. मराठी शाळेच्या परिसरात रॅलीचा समारोप करण्यात आला.
