---Advertisement---
नवी दिल्ली : स्वातंत्र्यदिनानिमित्त लाल किल्ल्यावरून पंतप्रधान नरेंद्र मोदी यांनी देशातील तरुण-तरुणींसाठी मोठी घोषणा केली आहे. अर्थात त्यांनी ”प्रधानमंत्री विकासित भारत रोजगार योजना सुरू केली आहे. यात तरुण-तरुणींना नवीन रोजगाराच्या संधी मिळणार असून, खाजगी क्षेत्रात पहिली नोकरी मिळवणाऱ्यांना सरकारकडून १५ हजार रुपयांचे प्रोत्साहन दिले जाणार आहे.
प्रधानमंत्री विकासित भारत रोजगार योजनेची घोषणा करताना पंतप्रधान मोदी म्हणाले की, देशातील तरुणांसाठी ही एक महत्वाची संधी आहे. आज, १५ ऑगस्ट रोजी, आपण माझ्या देशातील तरुणांसाठी १ लाख कोटी रुपयांची योजना सुरू करत आहोत. ते म्हणाले की, आजपासून प्रधानमंत्री विकास भारत रोजगार योजना लागू करण्यात आली आहे. खाजगी क्षेत्रात पहिली नोकरी मिळवणाऱ्या मुला-मुलींना सरकारकडून १५,००० रुपये दिले जातील. या योजनेअंतर्गत पुढील २ वर्षात ३.५ कोटींहून अधिक नोकऱ्या निर्माण करण्याचे उद्दिष्ट ठेवण्यात आले आहे.
सरकारने सुरू केलेल्या या नवीन योजनेत उत्पादन क्षेत्रावर विशेष लक्ष केंद्रित केले आहे. या योजनेअंतर्गत, एखाद्या कंपनीत काम करताच किंवा पहिल्यांदाच नोकरी मिळताच त्यांना ही रक्कम दिली जाईल. तथापि, यामध्ये अनेक अटी देखील लादण्यात आल्या आहेत. याअंतर्गत, नोकरी मिळवणाऱ्यांना त्या कंपनीत किमान ६ महिने काम करावे लागेल. यासोबतच, कंपनीने EPFO मध्ये नोंदणी करणे आवश्यक आहे. जर या सर्व अटी पूर्ण झाल्या तर प्रोत्साहन दिले जाईल.
या योजनेसाठी अर्ज कसा करावा?
पंतप्रधान मोदींनी सुरू केलेल्या या योजनेसाठी तुम्हाला अर्ज करण्याची आवश्यकता नाही. तुम्हाला कंपनीत नोकरी मिळताच किंवा तुमचे पीएफ खाते उघडताच, तुम्ही या योजनेसाठी पात्र व्हाल. या योजनेचा पहिला हप्ता किंवा रक्कम तुम्हाला नोकरी मिळाल्यानंतर ६ महिन्यांनी दिली जाईल. जी थेट तुमच्या खात्यात येईल.
