नवी दिल्ली : पंतप्रधान नरेंद्र मोदी यांनी एका वृत्तसंस्थेला दिलेल्या विशेष मुलाखतीत जी-20 परिषद, रशिया युक्रेन युद्ध, भारतातील भ्रष्टाचार, जातिवाद आणि जातीयवाद यावर चर्चा केली. काश्मीर, अरुणाचलमध्ये G-20 बैठकीवर पाकिस्तान आणि चीनचा आक्षेप पंतप्रधान मोदींनी खोडून काढला. ते म्हणाले की, देशाच्या प्रत्येक भागात सभा घेणे स्वाभाविक आहे. दरम्यान G-20 परिषदेपूर्वी त्यांची मुलाखत जगाला संदेश देणारा मानली जात आहे.
पंतप्रधान नरेंद्र मोदी म्हणाले की, भारत हा एक अब्ज भुकेल्या पोटांचा देश म्हणून पाहिला जात होता, आता तो एक अब्ज महत्त्वाकांक्षी मनांचा आणि दोन अब्ज कुशल हातांचा देश आहे. जगाचा जीडीपी-केंद्रित दृष्टिकोन होता तो आता मानव-केंद्रित दृष्टिकोनात बदलत आहे. यामध्ये भारत महत्त्वाची भूमिका बजावत आहे. ‘सबका साथ, सबका विकास’ हे जागतिक कल्याणासाठी मार्गदर्शक तत्त्वही ठरू शकते, असे पंतप्रधान म्हणाले.
२०४७ पर्यंत भारत एक विकसित राष्ट्र बनेल आणि देशात भ्रष्टाचार आणि जातिवादाला थारा नसेल, असे मोदी म्हणाले. ते म्हणाले की, भारताच्या G20 अध्यक्षपदाचे अनेक सकारात्मक परिणाम झाले आहेत आणि भारताने जागतिक स्तरावर मजबूत नेतृत्वाची भूमिका बजावली आहे. भारत-चीन संबंधांबाबत ते म्हणाले की, दोन्ही देशांनी एकमेकांसोबत शांततेने आणि सहकार्याने राहावे.
या विशेष मुलाखतीत पीएम मोदींनी G20 शिखर परिषद, दहशतवाद, भ्रष्टाचार आणि अर्थव्यवस्था यासह अनेक मुद्द्यांवर आपले मत मांडले. यावेळी त्यांनी अरुणाचल प्रदेश आणि जम्मू-काश्मीरमध्ये G-20 च्या बैठका आयोजित करण्यावर प्रश्न उपस्थित केलेल्या चीन आणि पाकिस्तानचे आक्षेप फेटाळून लावले.
G20 शिखर परिषद
G20 शिखर परिषदेबाबत बोलताना पंतप्रधान नरेंद्र म्हणाले की, या वर्षी होणाऱ्या शिखर परिषदेत भारत महत्त्वाची भूमिका बजावेल. ते म्हणाले की G20 च्या माध्यमातून भारत जागतिक अर्थव्यवस्था मजबूत करण्यासाठी आणि हवामान बदलाशी लढा देण्यासाठी काम करेल. पीएम मोदी म्हणाले की, G20 च्या माध्यमातून भारत आर्थिक सुधारणा, हवामान बदल, दहशतवादविरोधी, डिजिटलायझेशन आणि आरोग्य यासारख्या महत्त्वाच्या बाबींवर काम करत आहे.G20 च्या माध्यमातून जागतिक समुदायाला एकत्र आणण्यासाठी आणि चांगले भविष्य घडवण्यासाठी भारत काम करेल, असेही पंतप्रधान मोदी म्हणाले.
दहशतवाद
दहशतवादाबद्दल बोलताना पंतप्रधान म्हणाले की, हे जागतिक आव्हान आहे. दहशतवादाविरुद्धच्या लढाईत भारत हा मजबूत सहयोगी असल्याचे ते म्हणाले. पंतप्रधान म्हणाले की, भारत सरकार दहशतवादाविरुद्धच्या लढाईत काही पावले उचलत आहे, ज्यात दहशतवाद्यांविरोधात कारवाई करणे, दहशतवादी संघटनांना मिळणारा निधीचा स्रोत नष्ट करणे आणि दहशतवादी कल्पनांचा प्रसार करण्याविरुद्ध जनजागृती करणे यांचा समावेश आहे. भारत दहशतवादाचा नायनाट करण्यासाठी कटिबद्ध असल्याचे पंतप्रधान मोदींनी सांगितले.
भ्रष्टाचार
भ्रष्टाचाराबाबत बोलताना पंतप्रधान मोदी म्हणाले की, ही भारताची मोठी समस्या आहे. भ्रष्टाचार संपवण्यासाठी सरकार कठोर पावले उचलत असल्याचे ते म्हणाले. भ्रष्टाचारविरोधी कायदे कडक करणे, भ्रष्टाचाऱ्यांवर कडक कारवाई करणे आणि भ्रष्टाचार रोखण्यासाठी जनजागृती करणे यासारखे भ्रष्टाचार संपवण्यासाठी सरकार पावले उचलत असल्याचे पंतप्रधान मोदी म्हणाले. भ्रष्टाचाराचा नायनाट करण्यासाठी सरकार कटिबद्ध असल्याचे पंतप्रधान मोदी म्हणाले.
अर्थव्यवस्था
अर्थव्यवस्थेबद्दल बोलताना मोदी म्हणाले की, भारताची अर्थव्यवस्था मजबूत आहे आणि येत्या 20 वर्षांत भारत एक विकसित राष्ट्र बनेल. गेल्या काही वर्षांत भारताची अर्थव्यवस्था झपाट्याने वाढली असल्याचे मोदी म्हणाले. ते म्हणाले की, भारताच्या अर्थव्यवस्थेत माहिती तंत्रज्ञान, उत्पादन आणि सेवा क्षेत्रात प्रचंड क्षमता आहे. ते म्हणाले की, भारत हे असेच चालू राहिल्यास भारत आपल्या मजबूत अर्थव्यवस्थेच्या जोरावर येत्या 20 वर्षांत एक विकसित राष्ट्र बनेल.
