Pushpa 2 trailer launch । अल्लू अर्जुन आणि रश्मिका मंदाना मुख्य भूमिकेत असलेल्या ‘पुष्पा 2’ सिनेमाची चाहते आतुरतेने वाट पाहत आहेत. पहिल्या भागानंतर या सिनेमाच्या सीक्वलच्या प्रतिक्षेत प्रेक्षक होते. अखेर पुष्पा 2 चा ट्रेलर लाँच करण्यासाठी 17 नोव्हेंबर ही तारीख निश्चित करण्यात आली आहे. निर्मात्यांनी वेळ आणि ठिकाणदेखील सांगितले आहे. त्यामुळे आता चाहत्यांची प्रतीक्षा संपणार आहे.
‘पुष्पा : द राइज’ हा सिनेमा २०२१ साली प्रदर्शित करण्यात आला होता. अल्लू अर्जुनच्या या सिनेमाने प्रेक्षकांना अक्षरश: वेड लावलं होतं. पुष्पाची स्टाइल प्रेक्षकांना भावली होती. या सिनेमातील गाणी आणि डायलॉगही प्रचंड व्हायरल झाले होते.
आता ‘पुष्पा २’ची प्रेक्षक आतुरतेने वाट पाहत आहेत. पहिल्या भागानंतर या सिनेमाच्या सीक्वलच्या प्रतिक्षेत प्रेक्षक होते. अखेर पुष्पा 2 चा ट्रेलर लाँच करण्यासाठी 17 नोव्हेंबर ही तारीख निश्चित करण्यात आली आहे. निर्मात्यांनी वेळ आणि ठिकाणदेखील सांगितले आहे. त्यामुळे आता चाहत्यांची प्रतीक्षा संपणार आहे.
खरं तर, ‘पुष्पा 2’ची दक्षिणेपेक्षा उत्तर भारतात जास्त चर्चा आहे. अनेक रिपोर्ट्समध्ये असा दावा करण्यात आला आहे की, पिक्चर केवळ हिंदी भागातून 500 कोटींहून अधिक कमाई करेल. निर्मात्यांनाही याची जाणीव आहे. त्यामुळेच त्यांनी संपूर्ण लक्ष उत्तर भारतावर ठेवले आहे. येथून ते त्यांच्या प्रचाराची सुरुवात करत आहेत. कारण संख्येच्या बाबतीतही हिंदी भाग दक्षिणेपेक्षा जास्त आहे. म्हणूनच अधिकाधिक हिंदी भाषिक लोकांनी त्यांचा चित्रपट पाहावा, अशी निर्मात्यांची इच्छा आहे.
‘पुष्पा’ च्या अधिकृत x खात्यावरून अशी माहिती देण्यात आली आहे की ‘पुष्पा २’ चा ट्रेलर १७ नोव्हेंबरला लाँच होणार आहे. यासाठी संघ पाटण्याला जाणार आहे. या चित्रपटाचा ट्रेलर लॉन्च कार्यक्रम पाटणा येथील गांधी मैदानावर संध्याकाळी ५ वाजल्यापासून आयोजित करण्यात आला आहे.
अल्लू अर्जुनही येथे पोहोचण्याची शक्यता आहे. म्हणूनच निर्मात्यांनी X वर केलेल्या पोस्टमध्ये लिहिले आहे – पटनाचे लोक, तुम्ही पुष्पा राजचे स्वागत करण्यास तयार आहात का ? आता पाटणा येथे ट्रेलर लाँच झाल्यावर अल्लू अर्जुनच्या चित्रपटाला किती फायदा होतो ते पाहावे लागणार आहे.
