मुंबई : कोविड-19 जंबो सेंटर्स घोटाळ्यातील मनी लाँड्रिंगच्या चौकशीच्या संदर्भात शिवसेना खासदार संजय राऊत यांचे जवळचे ४६ वर्षीय सुजीत पाटकर आणि त्यांच्या भागीदारांची सुमारे १२ कोटी रुपयांची मालमत्ता ईडी तात्पुरती जप्त करणार असल्याची माहिती समोर आली आहे. हा संजय राऊत यांना मोठा धक्का मानला जात आहे.
कोविड-19 साथीच्या काळात मुंबईत महाराष्ट्र सरकारने फील्ड हॉस्पिटल्स संबंधित आहे, बृहन्मुंबई महानगरपालिकाला कंत्राटी पद्धतीने आरोग्य सेवा कर्मचारी आणि इतर सुविधा पुरविण्याचे काम सोपवण्यात आले होते. भाजप नेते किरीट सोमय्या यांनी या संदर्भात मुंबई पोलिसांकडे तक्रार दाखल केली होती.
म्युच्युअल फंड युनिटस, बँकेची खाती आणि ३ फ्लॅट्स अशी एकूण १२.२ कोटींची संपत्ती ईडी ताब्यात घेणार आहे. तीन फ्लॅट्सपैकी २.८ कोटींचा एक फ्लॅट हा सुजीत पाटकरांच्या नावावर असल्याची माहिती समोर आली आहे. पाटकर यांना या प्रकरणी ईडीने या वर्षी जुलैमध्ये अटक केली होती. त्यांनी लाइफलाइन मॅनेजमेंट सर्व्हिसेससाठी निविदा मिळवून ३१.८४ कोटी रुपयांची फसवणूक केल्याचा आरोप आहे.्‍
सुजीत पाटकर हे शिवसेना खासदार संजय राऊत यांचे कौटुंबिक मित्र मानले जातात. या घोटाळ्यातील सहआरोपींमध्ये राजीव साळुंखे आणि एका महिलेचा समावेश आहे. तसेच डॉ. हेमंत गुप्ता यांचा २ कोटी ७० लाखांचा म्युच्युअल फंड जप्त करण्यात आला आहे. सहआरोपींच्या खात्यात असलेले ३ कोटी आणि काही बँक खात्यांमध्ये ठेवलेले ३३ लाख रुपयेसुद्धा ईडीने जप्त केले आहेत. ही सर्व मालमत्ता कोविड घोटाळ्यात कमावल्याचा आरोप ईडीने केला आहे.
