Marathi Actors New House : स्वत:चं घर होणं हे सर्वसामान्यांपासून ते मराठी कलाकारांपर्यंत अनेकांचं स्वप्न असतं. सरत्या वर्षात अनेक मराठी सेलिब्रिटींचं घराचं स्वप्न पूर्ण झालं आहे. सई ताम्हणकरपासून (Sai Tamhankar), प्राजक्ता माळी (Prajakta Mali) ते पृथ्वीक प्रतापपर्यंत (Prithvik Pratap) अनेक सेलिब्रिटींचं घराचं स्वप्न पूर्ण झालं आहे.
प्राजक्ता माळी (Prajakta Mali) : अभिनेत्री प्राजक्ता माळीने कर्जमध्ये स्वत:चं फार्म हाऊस घेतलं आहे. प्राजक्ताचं हे फार्म हाऊस निसर्गाच्या कुशीत आहे. 3 बेडरूम्स, हॉल, किचन , स्विमिंगपूल असं तिचं आलिशान फार्महाऊस आहे.
सई ताम्हणकर (Sai Tamhankar) : सई ताम्हणकर 2023 मध्ये मुंबईकर झाली आहे. मुंबईत तिने स्वत:चं पहिलं घर घेतलं आहे. मुंबईत घर घेतल्यानंतर तिने गृहप्रवेश करतानाचा व्हिडीओ सोशल मीडियावर शेअर केला आहे. सईसाठी हे घर खूपच खास आहे.
धनश्री काडगावकर (Dhanashri Kadgaonkar) : ‘तू चाल पुढं’ या मालिकेच्या माध्यमातून घराघरांत पोहोचलेली अभिनेत्री धनश्री काडगावकरने नवं घर घेतलं आहे. 2023 मध्ये अभिनेत्रीचं कित्येक वर्षांचं स्वप्न पूर्ण झालं आहे. अभिनेत्रीने गणेशोत्सवादरम्यान नवीन घर खरेदी केल्याची माहिती दिली आहे.
हृता दुर्गुळे (Hruta Durgule) : हृता दुर्गुळेसाठी 2023 हे वर्ष खूपच खास होतं. या वर्षात हृता लग्नबंधनात अडकली असून याच वर्षी तिने नवं घर घेतलं आहे. नव्या घरातील पतीसोबतचा रोमँटिक फोटो शेअर करत तिने चाहत्यांना गुडन्यूज दिलं आहे.
अक्षय केळकर (Akshay Kelkar) : ‘बिग बॉस मराठी’च्या चौथ्या पर्वाचा विजेता (Bigg Boss Marathi 4 Winner) अक्षय केळकरसाठी (Akshay Kelkar) हे वर्ष खूपच खास आहे. एकीकडे वर्षाच्या सुरुवातीला तो ‘बिग बॉस मराठी 4’चा विजेता झाला. तर दुसरीकडे वर्षाच्या शेवटी मुंबईत त्याला म्हाडाचं घर लागलं आहे.
प्रसाद खांडेकर (Prasad Khandekar) : विनोदवीर प्रसाद खांडेकर 2023 मध्ये नव्या घरात शिफ्ट झाला आहे. गृहप्रवेश करतानाचे फोटो शेअर करत त्याने चाहत्यांना आनंदाची बातमी दिली होती.
पृथ्वीक प्रताप (Prithvik Pratap) : ‘महाराष्ट्राची हास्यजत्रा’ या कार्यक्रमाच्या माध्यमातून घराघरांत पोहोचलेला विनोदवीर पृथ्वीक प्रतापचं काही दिवसांपूर्वीचं हक्काचं घर होण्याचं स्वप्न पूर्ण झालं आहे. त्याला म्हाडाच्या घराची लॉटरी लागली आहे.
ऋतुजा बागवे (Rutuja Bagwe) : अभिनेत्री ऋतुजा बागवेने 2023 मध्ये ठाण्यात स्वप्नातलं घर घेतलं आहे. ऋतुजा बागवेचं स्वप्नातलं स्वत:चं हक्काचं घर खूपच कमाल आहे. स्वकष्टातून घर खरेदी केल्यामुळे ऋतुजा बागवेसाठी हे घर खूप स्पेशल आहे.
