जळगाव : राष्ट्रवादीचे नेते आमदार एकनाथ खडसे यांना छातीत अस्वस्थ वाटल्याने त्यांना जळगाव येथे एका खासगी रुग्णालयात भरती करण्यात होते. पुढीच उपचारासाठी त्यांना मुंबईला हलविण्यात आले आहे. रात्री त्यांना जळगाव विमानतळावरुन एअर ॲम्बूलन्सने मुंबईला नेत्यात आले. आज सकाळी राष्ट्रवादीचे नेते शरद पवार यांनी रुग्णालयात जावून खडसेंची भेट घेत प्रकृतीची चौकशी केली. यावेळी मंदाकीनी खडसे व एकनाथ खडसे यांचे खासगी डॅाक्टर डॉ. अभिषेक ठाकुर यांनी शरद पवारांना तब्येतीविषयी माहिती दिली.
राष्ट्रवादीचे नेते आमदार एकनाथ खडसे यांना रविवारी हृदयविकाराचा त्रास झाल्याने त्यांना जळगाव येथील एका खासगी हॉस्पिटल मध्ये भरती करण्यात आले होते. तेथे काही तपासण्या व प्राथमिक उपचार केल्या नंतर त्यांना मुंबई येथे हलविण्याच्या निर्णय घेण्यात आला. खडसे यांची प्रकृती स्थिर असून त्यांना पुढील उपचारासाठी मुंबई येथे हलविण्यात येणार असल्याची माहिती गजानन हार्ट केअर सेंटरचे डॉ. विवेक चौधरी यांनी दिली आहे.
दरम्यान शरद पवार यांनी रुग्णालात जावून खडसेंची भेट घेत प्रकृतीची चौकशी केली. यावेळी मंदाकीनी खडसे व एकनाथ खडसे यांचे खासगी डॅाक्टर डॉ. अभिषेक ठाकुर यांनी शरद पवारांना तब्येतीविषयी माहिती दिली. एकनाथ खडसे यांची प्रकृती स्थिर असून कार्यकर्त्यांनी काळजी करू नये, अशी माहिती खडसे यांच्या कन्या रोहिणी खडसे यांनी दिली आहे.
