तरुण भारत लाईव्ह ।११फेब्रुवारी २०२३। केंद्रीय अर्थमंत्री निर्मला सितारमण यांनी संसदेत देशाचा अर्थसंकल्प सादर केला. या अर्थसंकल्पात अर्थमंत्र्यांनी सेक्टर्ससाठी विविध घोषणा केल्या आहेत. या अर्थसंकल्पात महिलांनाही विशेष भेट देण्यात आली आहे. यापुढे महिलांना 2 लाख रुपयांचा लाभ मिळणार असल्याचे सरकारने सांगितले आहे. मोदी सरकारने महिला सन्मान बचत प्रमाणपत्र सुरू केले आहे, ज्यामध्ये तुम्हाला अनेक विशेष फायदे मिळतील. या योजने बद्दल अधिक जाणून घ्या तरुण भारतच्या माध्यमातून.
देशातील महिलांच्या सक्षमीकरणासाठी केंद्र सरकारकडून विविध योजना राबविण्यात येत आहेत. या अर्थसंकल्पात सरकारने देशातील महिलांना विशेष भेट दिली आहे. यापुढे महिलांना 2 लाख रुपयांचा लाभ मिळणार असल्याचे सरकारने सांगितले आहे. सरकारने याआधीही महिलांसाठी अनेक योजना आणल्या आहेत, परंतु महिला सन्मान बचत पत्र या सर्वांपेक्षा खूप वेगळे आहे. या योजनेत 2025 पर्यंत कोणतीही महिला किंवा मुलगी या योजनेत 2 लाख रुपये जमा करत असेल तर तिला 7.5 टक्के दराने व्याजाचा लाभ मिळेल. विशेष म्हणजे यामध्ये कोणताही कर नाही. या योजनेत तुम्ही 2 लाख रुपयांपर्यंत गुंतवणूक करू शकता.
महिला सन्मान बचत पत्राचा लाभ फक्त महिलाच घेऊ शकतात. यासाठी इंडिया पोस्ट पेमेंट बँकेत जा आणि तेथे आवश्यक कागदपत्रे जमा करा. यामध्ये लोक ऑनलाइन अर्जही करू शकतील. महिला सन्मान बचत पत्र मिळविण्यासाठी महिलेच्या नावावर आधार कार्ड, पॅन कार्ड आवश्यक असेल. पॅनकार्ड आधार कार्डशी लिंक करावे. आधार कार्ड आणि पॅन कार्डवरील नाव जुळण्याची खात्री करा, याशिवाय, फॉर्म भरताना ओटीपी देण्यासाठी महिलेला मोबाइल नंबर आणि ईमेल आयडीची आवश्यकता असू शकते. महिला सन्मान बचत पत्रात 2 वर्षांसाठी 2 लाख रुपये जमा करा आणि नंतर आवश्यकतेनुसार तुम्ही ते काढू शकता, ज्यामध्ये तुम्हाला कोणताही कर भरावा लागणार नाही.
फायद्यांसोबतच यामध्ये काही बंधने देखील आहेत, जसे की- या योजनेत व्याज चांगले आहे, परंतु गुंतवणुकीची मर्यादा 2 लाख रुपयांपर्यंत निश्चित करण्यात आली आहे. म्हणजेच महिलेला त्यात जास्त पैसे गुंतवायचे असतील तर ती करू शकत नाही. याशिवाय, ही दोन वर्षांची बचत योजना असेल, तुम्ही या योजनेत फक्त 2025 पर्यंत गुंतवणूक करू शकता.
