अजित पवारांची ‘फौज’ मैदानात; ४० स्टार प्रचारकांचा झंझावात

मुंबई : राष्ट्रवादी (अजित पवार) ने महानगरपालिका निवडणुकीसाठी आपल्या स्टार प्रचारकांची यादी जाहीर केली आहे. प्रदेशाध्यक्ष सुनील तटकरे यांनी जाहीर केलेल्या या यादीत उपमुख्यमंत्री अजित पवार यांच्यासह पक्षातील मंत्री, ज्येष्ठ नेते, खासदार आणि आमदार यांचा समावेश आहे.

यादीतून ‘या’ नेत्यांची नावे गायब

मंत्री छगन भुजबळ आणि माजी मंत्री दिलीप वळसे पाटील यांच्यासह अनेक नेत्यांची नावे स्टार प्रचारकांच्या यादीतून गायब आहे. स्टार प्रचारकांच्या यादीत पक्षाचे राष्ट्रीय अध्यक्ष आणि उपमुख्यमंत्री अजित पवार, राष्ट्रीय कार्याध्यक्ष प्रफुल्ल पटेल, प्रदेशाध्यक्ष सुनील तटकरे, माजी मंत्री धनंजय मुंडे, अण्णा बनसोडे, मंत्री हसन मुश्रीफ, नरहरी झिरवाळ, बाबासाहेब पाटील, मकरंद पाटील, दत्तात्रय भरणे यांच्यासह इतरांचा समावेश आहे.

तथापि, राष्ट्रवादी काँग्रेसच्या अंतर्गत सूत्रांनी सांगितले आहे की जर महायुती आघाडीत त्यांना पुरेशा जागा मिळाल्या नाहीत तर ते या दोन्ही महानगरपालिकांमध्ये स्वबळावर निवडणूक लढवण्यास तयार आहेत.

पुणे आणि पिंपरी चिंचवडमध्ये राष्ट्रवादी काँग्रेस भाजपसोबत मैत्रीपूर्ण लढाई करेल. तटकरे म्हणाले की महायुतीबाबत विविध पातळ्यांवर चर्चा सुरू आहे. महायुतीचा भाग म्हणून या सर्व निवडणुका लढवण्याचा निर्णय होण्याची शक्यता आहे. त्यांनी पुढे सांगितले की राजकीय परिस्थिती एका महानगरपालिकेनुसार बदलते.