भोपाळ : दाट धुक्यामुळे एक प्रशिक्षणार्थी विमान मंदिराच्या कळसावर कोसळून झालेल्या अपघातात वरिष्ठ पायलचा मृत्यू झाला असून प्रक्षिणार्थी पायलट जखमी झाला आहे. ही दुर्घटना मध्य प्रदेशातील रीवा येथे घडली. जखमीला जवळच्या रुग्णालयात दाखल करण्यात आले आहे.
मिळालेल्या माहितीनुसार, प्रशिक्षणार्थी विमान काल रात्री साडेअकराच्या सुमारास एका मंदिराच्या घुमटावर आदळले, त्यामुळे हा अपघात झाला. विमानाला धडकताच आग लागली. या अपघातात वरिष्ठ पायलटचा मृत्यू झाला आहे. त्याचबरोबर जखमीवर उपचार सुरू आहेत. अपघाताचे खरे कारण अद्याप समजू शकलेले नाही, मात्र प्राथमिक तपासात अपघाताचे कारण धुके असल्याचे सांगण्यात येत आहे. धुक्यामुळे पायलटला उंचीचा अंदाज आला नाही आणि त्याचे विमानावरील नियंत्रण सुटल्याने विमान कोसळले. या अपघातात कॅप्टन विमल कुमार (५४) यांचा मृत्यू झाला, तर सोनू यादव (२२) हा प्रशिक्षणार्थी जखमी झाला.
चोरहाटा पोलिस ठाण्याचे प्रभारी निरीक्षक अवनीश पांडे यांनी सांगितले की, रीवा हवाईपट्टीचे विमानतळामध्ये रूपांतर करण्यात येत आहे. खासगी कंपनी अनेक वर्षांपासून येथे विमान प्रशिक्षण घेत आहे. उमरी गावात विमान अपघात झाल्याची माहिती पोलिसांना मिळताच घटनास्थळी धाव घेतली होती. तर, रीवाचे एसपी नवनीत भसीन यांनी सांगितले की, ट्रेनिंगदरम्यान विमान मंदिरावर कोसळले.
Madhya Pradesh | A pilot died while another was injured after a plane crashed into a temple in Rewa district during the training: Rewa SP Navneet Bhasin pic.twitter.com/KumJTAlALs
— ANI (@ANI) January 6, 2023
