तरुण भारत लाईव्ह । २९ मार्च २०२३। शुक्रवार ३१ मार्च रोजी दुपारी २ वाजून ४४ मिनिटांनी बुध मेष राशीत प्रवेश करेल. याआधी मीन राशीत बुध ग्रहाचा उदय होईल. त्यानंतर १४ एप्रिलला सूर्य देखील मेष राशीत प्रवेश करेल आणि बुधासोबत बुधादित्य योग तयार करेल. या शुभ योगाच्या प्रभावामुळे अनेक राशींची आर्थिक स्थिती सुधारेल आणि नोकरी करणाऱ्या लोकांना चांगल्या संधी उपलब्ध होऊ शकतात. ५ राशींवर बुध ग्रहाची कृपा असणार आहे. तर कोणत्या त्या पाच राशी आहेत हे जाणून घ्या तरुण भारतच्या माध्यमातून.
मिथुन रास
बुध तुमच्या राशीच्या ११व्या स्थानी प्रवेश करेल. या संक्रमणाच्या शुभ प्रभावाने तुमची आर्थिक स्थिती सुधारेल तुमची मेहनत यशस्वी होईल आणि तुम्हाला धनप्राप्तीच्या शुभ संधी मिळतील. तुमच्या काही जुन्या इच्छा पूर्ण होतील कुटुंबातील सर्वांशी तुमचे संबंध दृढ होतील आणि शिक्षणासाठी देखील हा उत्तम काळ आहे. उपाय म्हणून बुधवारी सोन्याची पाचूची अंगठी घाला.
कर्क रास
कर्क राशीच्या संक्रमणाच्या वेळी बुध दहाव्या स्थानी प्रवेश करणार आहे. करिअरच्या दृष्टीने ही परिस्थिती तुमच्यासाठी खूप फायदेशीर मानली जाते. या दरम्यान तुम्हाला नवीन संधी मिळण्याची शक्यता आहे. मोठ्या कंपनीत किंवा बहुराष्ट्रीय कंपनीत काम करणाऱ्यांसाठी हा काळ यशाने भरलेला असू शकतो. तुमचे कौटुंबिक जीवन देखील आनंदाने भरलेले असेल. लांबच्या प्रवासाला जावे लागेल. उपाय म्हणून दर बुधवारी गाईला चारा खाऊ घाला.
सिंह रास
संक्रमणाच्या प्रभावामुळे यावेळी नशीब तुम्हाला खूप साथ देईल. तुम्ही सध्या ज्या प्रकल्पांवर काम करत आहात त्यात तुम्हाला यश मिळेल आणि तुम्ही भविष्यासाठी पैसेही वाचवू शकाल. तुमच्या मनोकामना पूर्ण होतील. जे तत्वज्ञानी, लेखक, सल्लागार किंवा शिक्षक आहेत त्यांना त्यांच्या क्षेत्रात उत्कृष्ट संधी मिळतील. विद्यार्थ्यांना पुढे जाण्याची संधी मिळेल. तुम्हाला वडील आणि गुरूंचे पूर्ण मार्गदर्शन मिळेल, उपाय म्हणून दर बुधवारी मूग डाळ खावी.
धनु रास
विद्यार्थ्यांसाठी हा काळ अतिशय चांगला असणार आहे. उच्च शिक्षणाशी संबंधित उत्कृष्ट संधी मिळू शकतात. जे लोक आपले शिक्षण पूर्ण करून नोकरीच्या शोधात आहेत आणि नवीन आहेत त्यांच्यासाठी ही वेळ नवीन आणि उत्कृष्ट संधी घेऊन येऊ शकते. वैयक्तिक आयुष्याबद्दल बोलायचे झाल्यास, प्रेम प्रकरणांमध्ये शांतता राहील आणि आपल्या जोडीदारासोबतचे नाते अधिक घट्ट होईल. जे प्रेमसंबंधात आहेत आणि लग्नाबाबत निर्णय घेऊ इच्छितात, त्यांच्यासाठीही हा काळ चांगला आहे. उपाय म्हणून कुमारिकांना शैक्षणीक वस्तू (वही, पुस्तक, पेन्सील) दान करा.
कुंभ रास
संक्रमणाच्या प्रभावाने, तुम्ही कमी अंतराच्या प्रवासाची योजना करू शकता जे तुमच्यासाठी फायदेशीर असेल आणि तुमचा उद्देश पूर्ण होईल. मीडिया इंडस्ट्रीमध्ये काम करणार्‍यांसाठी ही वेळ नवीन संधी प्रदान करू शकते. तुमच्या वडिलांसोबत तुमचे संबंध सुधारतील आणि त्यांच्या सल्ल्याने तुम्ही जे काही काम कराल त्यात तुम्हाला यश मिळेल. ऑफिसमधील वरिष्ठ लोकही तुमच्या कामाने प्रभावित होऊन तुमच्या प्रमोशनबद्दल विचार करू शकतात. उपाय म्हणून मोठ्या बहिणींना भेटवस्तू द्या.
